كەزدەسۋ بارىسىندا تاراپتار جايىق وزەنىنىڭ باسسەينىندەگى سۋ جاعدايى مەن گيدرولوگيالىق بولجامدى ەسكەرە وتىرىپ, يريكلا سۋ قويماسىنىڭ جوسپارلانعان جۇمىس كەستەسىن تالقىلادى.
جايىق وزەنىنىڭ اعىنىن جەدەل باقىلاۋدى قامتاماسىز ەتۋ ماقساتىندا تاراپتار يريكلا, اقتوبە جانە قارعالا سۋ قويمالارىنىڭ جۇمىس رەجيمدەرى تۋرالى مالىمەتتەرمەن كۇندەلىكتى الماسۋعا كەلىستى.
سونىمەن قاتار, تاراپتار 2020 جىلعى قازان ايىندا ترانسشەكارالىق سۋ وبەكتىلەرىن بىرلەسىپ پايدالانۋ جانە قورعاۋ جونىندەگى قازاقستان-رەسەي بىرلەسكەن كوميسسياسىنىڭ 28-ءشى وتىرىسىندا بەكىتىلگەن جايىق, ەرتىس جانە باسقا وزەندەردىڭ باسسەيندەرىندە زەرتتەۋلەر جۇرگىزۋ بويىنشا بىرىڭعاي جول كارتاسىنىڭ ءىس-شارالارىن جۇزەگە اسىرۋدىڭ بارىسىن تالقىلادى.
تالقىلاۋ ناتيجەسىندە الدىن-الا زەرتتەۋ دەرەكتەرىمەن الماسۋ جانە بىرىڭعاي جول كارتاسىنىڭ شارالارىن ىسكە اسىرۋ بويىنشا, ودان ءارى جۇمىستاردى انىقتاۋ ءۇشىن تاراپتاردىڭ ساراپشىلارىنىڭ كەزدەسۋىن جاقىن ارادا وتكىزۋ تۋرالى شەشىم قابىلداندى.
