بۇل قۇرمەتتى اتاق پەداگوگيكالىق ۇزدىك جەتىستىكتەرى جانە ەلىمىزدىڭ ءبىلىم سالاسىنا سىڭىرگەن ايرىقشا ەڭبەگى ءۇشىن جامبىل وبلىسىنان ايگۇل قالماحانوۆا مەن ميراش بەگىلداەۆاعا بەرىلدى. ايتا كەتۋ كەرەك, ەل تاريحىندا مۇنداي ماراپاتپەن پەداگوگتار العاش رەت ماراپاتتالۋدا. اتالعان مەملەكەتتىك ناگرادانى ۇستازدارعا ەلىمىزدىڭ ءبىلىم جانە عىلىم ءمينيسترى اسحات ايماعامبەتوۆ تابىس ەتتى.
«قازاقستاننىڭ ەڭبەك سىڭىرگەن ۇستازى» اتانىپ وتىرعان ايگۇل قالماحانوۆا جامبىل اۋدانىنداعى ب.بەسباەۆ اتىنداعى مەكتەپ-گيمنازيانىڭ ورىس ءتىلى مەن ادەبيەتى ءپانىنىڭ مۇعالىمى بولىپ جۇمىس ىستەيدى. ول «ۇزدىك پەداگوگ-2019» رەسپۋبليكالىق بايقاۋىنىڭ جەڭىمپازى بولعان جانە «الەم پەداگوگى» بايقاۋىنا ىرىكتەلگەن 10 مۇعالىمنىڭ قاتارىنا ەنگەن. ال, قۇرمەتتى اتاققا قول جەتكىزىپ وتىرعان ميراش بەگىلداەۆا جامبىل وبلىستىق دارىندى بالالارعا ارنالعان مامانداندىرىلعان «دارىن» مەكتەپ-ينتەرناتىندا تاريح ءپانىنىڭ مۇعالىمى بولىپ ەڭبەك ەتەدى. بىرقاتار حالىقارالىق, رەسپۋبليكالىق بايقاۋلاردىڭ جەڭىمپازى. شاكىرتتەرى ۇلتتىق بىرىڭعاي تەستىلەۋ سىنىنان جىل سايىن جوعارى ناتيجە كورسەتىپ كەلەدى.
