مەديتسينا • 19 ناۋرىز، 2021

ساۋىردە 1 ملن قازاقستاندىق كوروناۆيرۋسقا قارسى ۆاكتسينا الۋى مۇمكىن

37 رەت كورسەتىلدى

دەنساۋلىق ساقتاۋ ءمينيسترى الەكسەي تسوي ءساۋىر ايىندا ەلىمىزدە كوروناۆيرۋسقا قارسى 1 ميلليوننان استام ازاماتتى ۆاكتسينالاۋ جوسپارلانىپ جاتقانىن مالىمدەدى، دەپ حابارلايدى Egemen.kz

ء«ساۋىر ايىندا قازاقستاندا 1 ملن استام ازاماتتى COVID-19-عا قارسى ۆاكتسينالاۋ جوسپارلانۋدا. رەسپۋبليكا بويىنشا حالىقتى كۆي-گە قارسى كەزەڭ-كەزەڭىمەن ۆاكتسينالاۋ جالعاسىپ جاتىر. بۇگىندە ەلىمىزدىڭ وڭىرلەرىنە 145 مىڭ دوزا ۆاكتسينا جەتكىزىلدى. ال بيىل ناۋرىزدىڭ سوڭىنا دەيىن قوسىمشا 150 مىڭ دوزانى جەتكىزۋ كۇتىلىپ وتىر. 2021 جىلعى 19 ناۋرىزداعى جاعداي بويىنشا 100 مىڭنان استام ادام ەگىلدى، ونىڭ ىشىندە 63 مىڭنان استام مەديتسينا قىزمەتكەرى، 22 مىڭ پەداگوگ، كۇش قۇرىلىمدارىنىڭ 7 مىڭ قىزمەتكەرى، 8 مىڭ ازاماتتاردىڭ باسقا ساناتتارى»، دەپ جازدى مينيستر Facebook-تە.

ءمينيستردىڭ ايتۋىنشا، يممۋنداۋدان كەيىنگى قولايسىز كورىنىستەردىڭ اۋىر جاعدايلارى تىركەلگەن جوق.

«بۇل رەتتە ەگىلگەن ادامداردىڭ 1%-ىندا كۇتىلەتىن رەاكتسيالار، مىسالى، دەنە تەمپەراتۋراسى كوتەرىلگەن تۇماۋعا ۇقساس جاي-كۇيلەر، جالپى السىزدىك، سونداي-اق ۆاكتسينا ەنگىزىلگەن جەردىڭ ءىسىنۋى جانە قىزارۋى تۇرىندەگى جەرگىلىكتى كورىنىستەر تىركەلۋدە. حالىقتى ودان ءارى يممۋنداۋ ماقساتىندا بيىل ءساۋىر ايىندا 1 ملن استام ازامات ۆاكتسيناتسيالاناتىن بولادى. وسىعان بايلانىستى سوزىلمالى اۋرۋلارى بار ديسپانسەرلىك ەسەپتە تۇرعان، 65 جاستان اسقان ادامداردى، سونداي-اق ازاماتتاردىڭ باسقا دا ساناتتارىن قوسا العاندا، ۆاكتسيناتسيالاۋعا جاتاتىن حالىق توپتارىن كەڭەيتۋ كوزدەلۋدە. ۆاكتسيناتسيا كۆي-مەن كۇرەسۋدەگى ەڭ ءتيىمدى شارا بولىپ تابىلادى»، دەپ تۇيىندەدى دەنساۋلىق ساقتاۋ ءمينيسترى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار