بۇعان دەيىن, الماتىنىڭ 12 مەكتەبىندە جارىلعىش زاتتار ىزدەستىرىلىپ جاتقانى تۋرالى حابارلاعان بولاتىنبىز. كەيىن «مينالانعان» مەكتەپتەر سانى 34-كە جەتتى. بەلگىسىز ادام اقشا اۋدارۋدى تالاپ ەتكەن. ەگەر اقشا اۋدارىلماسا, مەكتەپتەردى جارىپ جىبەرەتىنىن ايتقان.
«پوليتسيانىڭ ساپەرلىك ءبولىم قىزمەتكەرلەرى 34 مەكتەپ بويىنشا تەكسەرۋدى اياقتادى. ەشقانداي جارىلعىش قۇرىلعى تابىلعان جوق», دەدى الماتى پوليتسيا دەپارتامەنتىنىڭ رەسمي وكىلى سالتانات ازىربەك.
اتالعان فاكتى قر قك-ءنىڭ 273-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. جارىلعىش زات تۋرالى حابارلاما قالدىرعان ادامنىڭ جەكە باسىن انىقتاۋعا جانە ونى ودان ءارى ۇستاۋعا باعىتتالعان جەدەل-ىزدەستىرۋ شارالارى جۇرگىزىلۋدە.
