«قازاقستاننىڭ ازاماتتىق اليانسىنىڭ» پرەزيدەنتى بانۋ نۇرعازيەۆا:
«ناۋرىز - كوكتەم مەرەكەسى, تابيعاتتىڭ جاڭارۋى. پرەزيدەنت قاسىم-جومارت كەمەل ۇلىنىڭ باستاماسىن قولداۋ ماقساتىندا ءبىز ادامنىڭ تابيعات پەن قوعامدا ۇيلەسىمدى ءومىر سۇرۋىنە كۇش سالعىمىز كەلەدى. ءبىز بارلىق ۇەۇ مەن قوعامدىق ۇيىمداردى ەكولوگيالىق اكتسيانى قولداۋعا شاقىرامىز. بۇل اۋلالاردى, كوشەلەردى, ساياباقتاردى, الاڭداردى, سكۆەرلەردى تازالاۋ, اعاش وتىرعىزۋ جانە ەكولوگيالىق تانىمدىق ءىس-شارالار».
ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆ قازاقستان تاۋەلسىزدىگىنىڭ 30 جىلدىعىن مەرەكەلەۋگە دايىندىق جونىندەگى مەملەكەتتىك كوميسسيانىڭ ءبىرىنشى وتىرىسىندا اتاپ ءوتتى:
«بابالارىمىز ءاز ناۋرىز كەلگەندە بۇلاقتىڭ كوزىن اشىپ, اعاش وتىرعىزعان. وسى تاماشا ءداستۇردى جاڭا قارقىنمەن جالعاستىرايىق. تابيعاتتى تازالاپ, قورشاعان ورتانى كوگالداندىرۋدى قولعا الايىق. مۇنداي شارالاردى بارلىق ايماقتا ۇيىمداستىرۋىمىز قاجەت. بۇل – اتا سالتىمىز جانە ۇرپاققا ەكولوگيالىق تاربيە بەرۋدىڭ ەڭ ءتيىمدى جولى».
باستامانى «Kazakhstan Innovations» قق, «جيزنەننىي پۋت» قب, «ىنتىماق اتىراۋ» قب, قوستاناي وبلىسىنىڭ ازاماتتىق اليانسى, «جاسىل ەل» قۇ, «الحيميا ەكو» قب, «ماڭعىستاۋ ايەلدەر كوشباسشىلىعى مەكتەبى» قب, قىزىلوردا وبلىسىنىڭ ۇەۇ اليانسى جانە باسقالارى قولدادى.
اقمولا وبلىسىندا ەرىكتىلەر مەكتەپ وقۋشىلارى مەن ستۋدەنتتەرگە ەكوۆولونتەرلىقتى دامىتۋ بويىنشا ەكولوگيالىق ساعاتتار وتكىزەدى, سونداي-اق «انا ۇيىندە» تۇراتىن جاس ايەلدەرگە «ەكوسىيلىقتار» دايىندادى.
قوستاناي وبلىسىندا قوعام بەلسەندىلەرى «بىرگە سۇرىپتايمىز» اتتى قۇستار ءۇيى فەستيۆالى مەن چەللەندجىن جوسپارلادى.
اتىراۋ وبلىسىندا قوعام بەلسەندىلەرى «اتاۋلى اعاش» اكتسياسى اياسىندا اعاش وتىرعىزۋدى جوسپارلاپ وتىر.
باتىس قازاقستان وبلىسىندا «تازا قالا» اكتسياسىن, «ساياباقتار شەرۋىن» وتكىزۋ جوسپارلانۋدا.
شىمكەنتتە «ەكو رەجيمدەگى شىمكەنت» جوباسى اياسىندا ءىس-شارالار كەشەنى وتەدى. اتاپ ايتقاندا, ەكولوگيالىق جاعدايعا مونيتورينگ جانە زەرتتەۋ, «مەن ەكوپاكەتتى تاڭدايمىن» اكتسياسى, «مەنىڭ باقىتتى بولاشاعىم» بالالار فەستيۆالى, «اۋادان اقشا» ەكسپەريمەنتى (قالدىقتاردى كادەگە جاراتۋ بويىنشا), ماكۋلاتۋرا مەن پلاستيكتى جيناۋ نۇكتەلەرىن قۇرۋ, جيناۋ نۇكتەلەرى كارتاسىنىڭ قوسىمشاسىن ازىرلەۋ جۇرگىزىلەدى.
ماڭعىستاۋ وبلىسىندا مەملەكەتتىك ورگاندار, ۇەۇ وكىلدەرىنىڭ, ەرىكتىلەردىڭ قاتىسۋىمەن بىرقاتار سەنبىلىكتەر وتكىزىلەدى. «امانات» اللەياسىن اشۋ جوسپارلانۋدا.
قىزىلوردا وبلىسىنداعى تۇڭعىش پرەزيدەنت ساياباعىندا اعاش وتىرعىزىلادى. وبلىستىڭ ءاربىر اۋدانىندا كەمىندە 500 ءتۇپ كوشەت وتىرعىزۋ كوزدەلىپ وتىر. بۇل اكتسيانى ۇەۇ اليانسىنىڭ وكىلدەرى ۇيلەستىرەتىن بولادى.
سونىمەن قاتار, ازاماتتىق باستامالاردى دامىتۋ قورى ەكولوگيالىق اكتسياعا ءوز ۇلەسىن قوسۋدى جوسپارلاپ وتىر, «قايىرىمدى ىستەر مارافونى» جالپىۇلتتىق جوباسى اياسىندا ءساۋىر ايىندا ەلوردادا اۋقىمدى اعاش وتىرعىزۋ ۇيىمداستىرىلادى.
«ەكوناۋرىز» اكتسياسىنىڭ ۇيىمداستىرۋشىلارى مەن قاتىسۋشىلارى بارلىق ءىس – شارالاردىڭ ماقساتى – ەكولوگيالىق مادەنيەتتى جانە قورشاعان ورتانى ساقتاۋ جونىندەگى قوعامدىق باستامانى دامىتۋ, سونداي-اق ەكولوگيالىق سانانى قالىپتاستىرۋ ەكەنىن اتاپ ءوتتى.
