اۋرۋدىڭ قاۋپى ءالى دە جوعارى, بۇعان ەپيدەميالىق جاعداي بويىنشا نۇر-سۇلتان قالاسىنىڭ 10 ناۋرىزدان باستاپ «قىزىل ايماققا» ەنگەنى دالەل. مۇنداي جاعدايدا بۇقارالىق ءىس-شارالار, كونتسەرتتەر مەن قويىلىمدار قويۋدىڭ سوڭى قالا تۇرعىندارىنىڭ ومىرىنە قاۋىپ تۋدىرادى.
دەگەنمەن مەرەكەلىك كوڭىل كۇي ورناتۋ ءۇشىن اشىق اۋادا قوعامدىق كەڭىستىكتەر ۇيىمداستىرىلادى, ياعني قالانى بەزەندىرگەن ءتۇرلى-ءتۇستى فوتوايماقتار مەن دەكوراتسيالار ورناتىلادى. حالقىمىزدىڭ ەجەلدەن كەلە جاتقان كيىز ءۇيى, جايلاۋدى ەسكە تۇسىرەتىن جاسىل كىلەمدەرى مەرەكەنىڭ كوركىن ارتتىرماق. بۇل جۇمىسقا بيۋدجەتتەن قاراجات بولىنبەيدى.
ايتا كەتۋ كەرەك, ناۋرىز مەرەكەسى كۇندەرى پوليتسيا مەن اكىمدىك قىزمەتكەرلەرى تاۋلىك بويى كەزەكشىلىك جۇرگىزەتىن بولادى. ولار جۇرت كوپ جينالماس ءۇشىن قالاداعى جاعدايدى قاداعالايتىن بولادى.
ەستەرىڭىزگە سالا كەتەيىك, بيىل ەلوردادا ناۋرىز مەيرامىن تويلاۋ – «يگى ىستەر» مارافونىنىڭ اياسىندا كوپتەگەن قايىرىمدىلىق اكتسيالارى وتەتىن بولادى. قالا تۇرعىندارى مۇقتاج جاندارعا بارىنشا كومەك كورسەتۋگە شاقىرىلادى: ازىق-ت ۇلىك تاراتۋ, جالعىز تۇراتىن زەينەتكەرلەردىڭ اۋلالارىنىڭ قارىن كۇرەۋ, ءدارى-دارمەك الىپ بەرۋ. بۇل جاعدايدا سانيتارلىق نورمالاردى قاتاڭ ساقتاۋ قاجەت.
سونىمەن قاتار دەمالىس كۇندەرى ۋاقىتتى قىزىقتى وتكىزۋ ءۇشىن قالانىڭ مادەني مەكەمەلەرى تەلەديدار مەن الەۋمەتتىك جەلىلەر ارقىلى تىكەلەي ەفيردە كوپتەگەن ونلاين-ءىس-شارالار دايىنداپ وتىر. ولاردىڭ اراسىندا كونتسەرتتەر, كورمەلەر, تەاترلاندىرىلعان قويىلىمدار, تاريحي-تانىمدىق دارىستەر مەن كونفەرەنتسيالار بار.
