بيىلعى ناۋرىز مەرەكەسىن ەرەكشە مازمۇندا وتكىزۋگە بايلانىستى رۋحاني قۇندىلىقتاردى, حالىقتىڭ بىرلىگى مەن كەلىسىمىن نىعايتۋعا باعىتتالعان شارالاردى قازاقستان حالقى اسسامبلەياسىنىڭ, رەسپۋبليكالىق ەتنومادەني بىرلەستىكتەردىڭ مۇشەلەرى دە ەرەكشە جاعدايدا قارسى الىپ, كوكتەم مەرەكەسىن قازاق حالقىنىڭ سالت-داستۇرلەرىن جاڭعىرتۋ, بەيبىتشىلىكتى ساقتاۋ, قايىرىمدىلىقتى جانە ەتنوس ارالىق قاتىناستار مادەنيەتىن دامىتۋ, قوعامداعى دوستىق پەن سەنىمدى نىعايتۋ, ەلدىمەكەندەردىڭ اۋماقتارىنا اباتتاندىرۋ شارالارىمەن جالعاستىرۋدى ماقسات ەتىپ وتىر.
وسىعان وراي قازاقستان حالقى اسسامبلەياسىنىڭ مۇشەلەرى, رەسپۋبليكالىق جانە قالاداعى ەتنومادەني بىرلەستىكتەر باسشىلارى الماتىداعى گاگارين جانە قاراساي باتىر كوشەلەرىنىڭ قيىلىسىندا 30 ءتۇپ اعاش وتىرعىزدى.
كوشەت وتىرعىزۋ ءىسىنىڭ باستاماشىسى - «احىسكا» گازەتىنىڭ باس رەداكتورى روۆشان مامەدوعلى بۇل شارانىڭ قالانى كوركەيتۋمەن قاتار اينالا قورشاعان تابيعاتقا دا, ادامزاتقا دا قايىرىمدىلىق, جاناشىرلىق ىستەرمەن جالعاسىن تاباتىنىن اتاپ ءوتتى. وسى يگى شارا اياسىندا دوستىق ۇيىندە قازاقستان حالقى اسسامبلەياسىنىڭ «30 يگى ءىس» جوباسى اياسىندا قايىرىمدىلىق اكتسياسى وتەدى. ونىڭ بارىسىندا كوپبالالى جانە از قامتىلعان 30 وتباسىنا ازىق-ت ۇلىك سەبەتتەرى بەرىلەدى. قايىرىمدىلىق اكتسياسىنىڭ باستاماشىسى – قحا توراعاسىنىڭ ورىنباسارى ز. كۋزيەۆ.
يگى شارالار پارلامەنت ءماجىلىسىنىڭ دەپۋتاتتارى, الماتى قالاسى ءماسليحاتىنىڭ دەپۋتاتتارى, قحا جانە قحا قوعامدىق قۇرىلىمدارىنىڭ مۇشەلەرى, عىلىمي جانە شىعارماشىلىق قاۋىم وكىلدەرى, ستۋدەنت جاستار, الماتى قالاسى «جاڭعىرۋ جولى» مد مۇشەلەرىنىڭ قاتىسۋىمەن وتەتىن بولادى.
