پەداگوگيكالىق جەتىستىكتەرى جانە ەلىمىزدىڭ ءبىلىم سالاسىنا سىڭىرگەن ايرىقشا ەڭبەگى ءۇشىن ەلورداداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ ماتەماتيكا ءپانىنىڭ مۇعالىمى گۇلنار اپەەۆا «قازاقستاننىڭ ەڭبەك سىڭىرگەن ۇستازى» قۇرمەتتى اتاعىمەن ماراپاتتالدى.
مەملەكەتتىك ناگرادا گۇلنار كەنجەبايقىزىنا سالتاناتتى جاعدايدا تابىس ەتىلدى. ءوزىنىڭ كاسىبي ماماندىعىن جەتىك مەڭگەرگەن گۇلنار كەنجەبايقىزى ءبىلىم سالاسىندا 35 جىلدان اسا ەڭبەك ەتكەن جاڭاشىل زەرتتەۋشى, دارىندى ۇستاز.
«مۇعالىمدە لەۆ تولستويدان كەيىن «بولاشاقتىڭ ادامى قازىردىڭ وزىندە ءبىزدىڭ ارامىزدا» دەپ ايتۋ ارتىقشىلىعى مەن سالماعى بار. ارتىقشىلىعى, ءبىز, مۇعالىمدەر, كۇن سايىن 50-60 جىل بەلسەندى ەڭبەك ەتۋ كەلەشەگى بار بالالاردى وقىتامىز. ءبىزدىڭ ارقايسىمىزدىڭ قانشا ۋاقىت العا كوز سالاتىنىمىزدى ەلەستەتىپ كورىڭىز - جارتى عاسىر العا قارايمىز. اۋىرتپالىعى - ءبىزدىڭ جۇمىسىمىز بىزدەن, بۇگىنگى كۇن ادامدارىنان, كەلەر تولقىن تۇلعالارىندا بولۋى ءتيىس قاسيەتتەردى بويىنا دارىتقان, بولاشاق ادامى بولۋدى تالاپ ەتەدى. مۇعالىمنىڭ جۇمىسى – بولاشاقتى ايقىندايدى», دەپ ءبولىستى ءوز پىكىرىمەن گۇلنارا اپەەۆا.
