القالى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, «قازينفورم» حالىقارالىق اقپارات اگەنتتىگىنىڭ باسقارما توراعاسى اسقار وماروۆ, «حابار اگەنتتىگى» اق باسقارما توراعاسىنىڭ ءبىرىنشى ورىنباسارى رينات كەرتاەۆ, «Balapan» تەلەارناسىنىڭ ديرەكتورى ماقپال جۇماباي, «قازاق راديولارى» جشس باس ديرەكتورى ەرنۇر بۋراحان, «ەلوردا اقپارات» جشس ديرەكتورى ەرجان ءجۇنىسوۆ, «قازاقستان» رترك» اق اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى جالعاس سادىبەك ۇلى, «تۇركىستان» گازەتىنىڭ باس رەداكتورى قۋات اۋەسباي, «قازاقستان تاريحي» پورتالىنىڭ باس رەداكتورى التىنبەك قۇمىرزاق, «ادەبيەت» پورتالىنىڭ باس رەداكتورى نۇرلان قابداي, سونداي-اق تانىمال باق وكىلدەرى قاتىستى.
تۇركى مۋزەيىندە وتكەن كەزدەسۋ بارىسىندا اكادەميا باسشىسى دارحان قىدىرالى ۇيىمنىڭ اتقارىپ جاتقان جۇمىستارى تۋرالى ايتىپ, بيىل قولعا الىنعان جوسپاردىڭ جۇزەگە اسۋ بارىسىمەن تانىستىردى.
سونىمەن قاتار بىرقاتار باق باسشىسى مەن وكىلىنە تۇركى الەمىنىڭ اقپارات سالاسىنا قوسقان ۇلەسى ءۇشىن ارنايى ماراپاتتار مەن العىس حاتتار تابىستالدى.
باسقوسۋعا قاتىسۋشىلار بايىرعى تۇركىلەردىڭ ۇلىستىڭ ۇلى كۇنىندە ءتوس سوعۋ داستۇرىمەن تانىسىپ, قولدارىنا بولات بالعا الىپ, شويىن ءتوستى سوعىپ اتالعان ءراسىمدى اتقارۋعا قاتىستى.
جيىنعا قاتىسۋشىلارعا تۇركى اكادەمياسى شىعارعان «تيۋركسكي مير. يستوريكو-كۋلتۋرنىي اتلاس» اتتى بىرەگەي باسىلىم تارتۋ ەتىلدى.
