دارىگەرلەردەن كەيىن قۇقىق قورعاۋ ورگاندارىنىڭ وكىلدەرى, مۇعالىمدەر, مەملەكەتتىك قىزمەتشىلەر مەن جۋرناليستەر ەگىلەدى. بۇگىنگى تاڭدا وڭىرگە 10 مىڭنان استام دوزا جەتكىزىلگەن. 1 ساۋىرگە دەيىن تاعى 11 200 دوزا ساتىپ الۋ جوسپارلانىپ وتىر. ايماق باسشىسى دانيال احمەتوۆتىڭ ايتۋىنشا, تاۋلىگىنە ۆيرۋس جۇقتىرۋ جاعدايلارى 20-دان اسپايدى. جالپى پاندەميا باستالعالى بەرى شىعىس قازاقستان وبلىسىندا 22 مىڭنان استام ادام سOVID-19 ينفەكتسياسىنا شالدىققان.
«ورىنباسارىم شاكارىم بۇقتۇعۇتوۆقا ون كۇن ىشىندە تولىقتاي ۆاكتسيناتسياعا دايىندىق تۋرالى, تەرموكونتەينەرلەر مەن مۇزداتقىشتاردىڭ سانى جايلى ەسەپ بەرۋدى تاپسىرامىن. سونداي-اق جاعدايدى تالداپ, كۇزدە تۇماۋعا قارسى قانشا ۆاكتسينا ساتىپ الۋ كەرەكتىگىن انىقتاۋ قاجەت», - دەدى وبلىس اكىمى.
ايتا كەتەيىك, يممۋندىق پلازمانى دۇرىس ساقتاۋدى قامتاماسىز ەتۋ ءۇشىن وسكەمەن مەن سەمەي قالالارىنداعى ەكى قان ورتالىعىنا 20 مۇزداتقىش الىنعان.
