وقيعا • 18 ناۋرىز، 2021

كورەيدىڭ كوركەم تۇستەرى

45 رەت كورسەتىلدى

نۇر-سۇلتان قالاسىندا «مادەنيەت ارقىلى ۇنقاتىسۋ» حالىقارالىق كورمە جوباسى اياسىندا، ەلباسى كىتاپحاناسى مەن ەلىمىزدەگى كورەيا رەسپۋبليكاسى ەلشىلىگى جانىنداعى كورەي مادەني ورتالىعى بىرلەسىپ، سۋكميون قىزدار ۋنيۆەرسيتەتى مۋزەيىنىڭ قولداۋىمەن، «كورەيا تۇستەرى: كەشە جانە بۇگىن» اتتى كورمە ۇيىمداستىردى.

كورمە جادىگەرلەرى «بەس ءتۇس – بەس نەگىزگى باعىت» تۇ­جى­­رىمداماسى نەگىزىندە دا­يىندالىپ، ەكسپوزيتسيادا كو­رەيلەردىڭ ءداستۇرلى كيىم ۇل­گىلەرىنىڭ ارتەفاكتىلەرى مەن رە­پرودۋكتسيالارى سانالاتىن جادىگەرلەر، ءداستۇرلى تۇر­مىس­تىق زاتتارى قويىلىپ، سۋكميون ايەلدەر ۋنيۆەرسيتەتى تۇلەكتەرىنىڭ زاماناۋي جۇمىس­تارى ۇسىنىلدى.

شارانى اشىپ ءسوز سويلەگەن ەلباسى كىتاپحاناسىنىڭ ديرەكتورى باقىتجان تەمىر­بولات اتالعان وقيعا ەكى ەل اراسىنداعى دوستىق بايلانىسىن بەكىتە تۇ­سەتىنىنە سەنىم بىل­دىرە كەلىپ، كوپ­شىلىكتىڭ كوز­­ايىمىنا اي­نالعان بۇ­يىمدار، اتاپ ايت­قاندا كوس­تيۋمدەر، كەراميكا مەن اعاش­­­تان جاسالعان ءۇي كەرەك-جاراقتارى كورەي حالقىنىڭ ادەت-عۇرىپتارىنىڭ بوياۋىن اي­گىلەپ تۇرعانىن جەتكىزسە، كورەيا رەسپۋبليكاسىنىڭ قا­زاق­ستانداعى توتەنشە جا­نە وكىلەتتى ەلشىسى كۋ حونگ-سوك: «بۇل كورمە كوپ جۇرەككە جۇ­بانىش سىيلايدى دەپ ۇمىتتەنەمىن. پاندەميادان قا­جىعان جاندار ءۇشىن كورەي حالقىنىڭ ەرەكشە تۇستەرىن بەينەلەيتىن ءتۇر­لى كيىم­دە­رى­­مەن، ءداستۇرلى اشە­كەي­لە­رى جانە قولونەرىمەن تا­نى­­سۋعا تاماشا مۇمكىندىك تۋدا. الداعى ۋاقىتتا كورەيا رەسپۋبليكاسىنىڭ ەلشىلىگى مەن مادەني ورتالىعى قىزىق­تى، تا­نىمدىق ءىس-شارالار وت­كى­زۋدى جوسپارلاپ وتىر»، دەدى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار