قازاقستان • 17 ناۋرىز، 2021

بۇگىن «ناۋرىز – 2021» حالىقارالىق راديوكوپىرى وتەدى

38 رەت كورسەتىلدى

بۇگىن، 17 ناۋرىز كۇنى ساعات 14:00-17:00 ارالىعىندا قازاق راديوسى  7 ەل – يران، تۇركيا، ءازىربايجان، موڭعوليا، قىرعىز رەسپۋبليكاسى، وزبەكستان، تاتارستان راديوارنالارىمەن بىرلەسكەن «ناۋرىز-2021» حالىقارالىق راديوكوپىرىن وتكىزەدى. 3 ساعاتتىق راديوكوپىر اياسىندا اتالعان ەلدەردىڭ راديوارنالارى تىكەلەي ەفيردە بايلانىسقا شىعادى، دەپ حابارلايدى Egemen.kz

سونىمەن بىرگە رەسەي، فرانتسيا، اۆستريا، بەلگيا، كورەيا، جاپونيا ازاماتتارى ءوز ەلدەرىندەگى ناۋرىز مەيرامىنىڭ اتالىپ ءوتۋ ءداستۇرى جايىندا پىكىر الماسادى. ارنايى قوناقتار اراسىندا رەسەيدەگى ب.ەلتسين اتىنداعى ورال فەدەرالدى ۋنيۆەرسيتەتىنىڭ رەكتورى ۆيكتور كوكشاروۆ، فرانتسياداعى مۇستافا شوقاي قورىنىڭ پرەزيدەنتى ياشار دينچ، باشقۇرتستاننىڭ حالىق ءارتىسى، مارين تەاترىنىڭ ءسوليسى اسقار ابدرازاقوۆ،  KultEurasia – ەۋرازياداعى مادەني ديالوگى قاۋىمداستىعىنىڭ پرەزيدەنتى دانيەلا ليبەرۋيرت، ۇلىبريتانياداعى قازاق قاۋىمداستىعىنىڭ تۇڭعىش پرەزيدەنتى يسمايل كەسەدجي، كورەياداعى حانگۋك شەت تىلدەر ۋنيۆەرسيتەتىنىڭ قازاق ءتىلى مۇعالىمى چوي ەن سۋن، تاتارستانداعى «قازاقستان» ۇلتتىق-مادەني بىرلەستىگىنىڭ جەتەكشىسى ساعيت جاقسىباەۆ، «Qazaqstan» ارناسىنىڭ بەلگياداعى مەنشىكتى ءتىلشىسى نۇرسۇلۋ قاسىم بار.

شارا قازاق راديوسىنىڭ 100 جىلدىق مەرەيتويى اياسىندا ۇيىمداستىرىلىپ وتىر. ۇلت ۇستازى احمەت بايتۇرسىن ۇلىنىڭ  باستاۋىمەن 1921 جىلى ورىنبور قالاسىنان اقپارات تاراتا باستاعان راديوارنا قازىر ەل اۋماعىنىڭ 89 پايىزىن قامتىپ وتىر.  

راديوكوپىر قازاق راديوسى، «Shalqar» راديوسىنان جانە اتالعان راديوارنالاردىڭ الەۋمەتتىك جەلىدەگى پاراقشالارىنان (Facebook، You Tube) تىكەلەي ەفيردە كورسەتىلەدى.

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار