قاراعاندى جاسانىپ جاتىر

بۇل كۇندە ءوندىرىستى ءوڭىردىڭ قا­لا­لارى مەن ەلدى مەكەندەرى كەل­گەن كوكتەم كوركىمەن بىرگە جا­را­سىپ, ساندەنگەن جاستاي جاسا­نىپ, جاڭارۋ ۇستىندە. 15 ناۋرىزدا باس­تا­لىپ كەت­كەن ءۇش ايلىق كوشەلەر­دى, اۋلالار­دى, ساياباق­تاردى اجار­لان­دىرۋ, كوگالدان­دىرۋ اكتسيا­سىنىڭ قور­شاعان ورتاعا اسەرىنىڭ ادەمى كورىنىستەرى بارعان سايىن بايقالىپ كەلەدى. وسىعان وراي وتكەن ءبىرىنشى سەنبى­لىكتەن سوڭ اينالا ءتىپتى ادەمىلەنىپ سالا بەردى. وعان 200 مىڭعا جۋىق ادام ءبىر كىسىدەي بەلسەندىلىكپەن قاتىستى. جاڭادان وتىرعىزىلعان 66 مىڭ اعاش كوشەتى كۇنى ەرتەڭ-اق جاپى­راق جايىپ, تىنىس كەڭەيتىپ تۇرا­تىن بولادى. قىسقى كۇل-قوقىستان تازارعان توڭىرەك ايناداي جارقى­راپ قالدى. بيىلعى كوكتەم قاراعان­دى­داعى جەڭىس ساياباعى كەلبەتىن ءسان­دەندىرە ءتۇستى. مۇندا الىستاعى بەلگيادان ارنايى اكەلىنگەن شىرشالار بوي كوتەردى. تەمىرتاۋ, جەزقازعان, بالقاش, ساتباەۆ قالالارىندا دا ادەتتەگى قارااعاش, تەرەكتەر ورنىنا قارقارالىنىڭ, كوكشەتاۋدىڭ قاراعايلارى تامىر جايدى. ورتانى كوركەيتۋ, تازارتۋ مۇنىمەن اياقتالعان جوق. بۇل ءجۇمىستار مامىردىڭ اياعىنا دەيىن جۇرگىزىلەدى. ايقىن نەسىپباي. قاراعاندى.