كوللاجدى جاساعان قونىسباي شەجىمباي, «ەQ»
ب.سۇلتانوۆ قىرعىز رەسپۋبليكاسىنىڭ ۆيتسە-پرەمەرى – ەكونوميكا جانە قارجى ءمينيسترى ۋلۋكبەك كارمىشاكوۆپەن جانە اۋىل, سۋ رەسۋرستارى جانە وڭىرلىك دامۋ ءمينيسترى اسقاربەك دجانىبەكوۆپەن, كولىك, ساۋلەت, قۇرىلىس جانە كوممۋنيكاتسيا ءمينيسترى گۇلنار ابدىراليەۆامەن, ەنەرگەتيكا جانە ونەركاسىپ ءمينيسترى كۋبانىچبەك تۋردۋباەۆپەن تاۋارلاردى وتكىزۋ جۇيەلەرىن بىرىكتىرۋ پەرسپەكتيۆالارىن تالقىلادى.
«بۇل ءبىزدىڭ مەملەكەتتەرىمىزدىڭ ازىق-ت ۇلىك قاۋىپسىزدىگىن قامتاماسىز ەتىپ قانا قويماي, سونىمەن قاتار ەكى ەلدىڭ ەكسپورتتىق الەۋەتىن ايتارلىقتاي كەڭەيتۋگە مۇمكىندىك بەرەدى», دەدى ب.سۇلتانوۆ.
اتاپ ايتقاندا, ساۋدا مينيسترلىگىنىڭ باسشىسى وتكىزۋ جۇيەلەرىن سينحرونداۋ قازاقستان مەن قىرعىزستاننان رەسەي نارىعىنا تاۋارلار اعىنىن جەڭىلدەتەتىنىن جەتكىزدى. «ۇلتتىق تاسىمالداۋ جۇيەسى جۇمىسىنىڭ بىرىڭعاي ەرەجەلەرى جانە بىرىڭعاي ستاندارتتاردىڭ ءوزارا ارەكەتتەسۋىن قامتاماسىز ەتۋ ءبىزدىڭ تاۋارلارىمىزدى رەسەي نارىعىنا جەتكىزۋدە» تار دالىزدەردى «بولدىرماۋعا, جەتكىزىلىمدەگى ۇزىلىستەردى بولدىرماۋعا, سونداي-اق ماۋسىمارالىق كەزەڭدە ءوز نارىقتارىمىزدى قانىقتىرۋعا مۇمكىندىك بەرەدى», دەدى.
سونىمەن قاتار, قازاقستاندىق بيزنەس قىرعىزستاننىڭ تاۋار وتكىزۋ جۇيەسىنىڭ ينفراقۇرىلىمىن قۇرۋعا قىزىعۋشىلىق ءبىلدىردى. ەكى ەل اراسىنداعى ساۋدا-ەكونوميكالىق ىنتىماقتاستىقتىڭ كەڭەيۋىنە ءسۇت جانە اۋىلشارۋاشىلىق ونىمدەرىن قايتا وڭدەۋ سالاسىنداعى وندىرىستىك ىنتىماقتاستىق ىقپال ەتەدى. ب.سۇلتانوۆ بولاشاق بىرلەسكەن ساۋدا-لوگيستيكالىق ورتالىق تۇجىرىمداماسىن قايتا قاراۋدى ۇسىندى.
ء«بىز ونىمدەردى ساقتايتىن ورىن رەتىندە تاۋار لوگيستيكالىق ورتالىعىنىڭ فۋنكتسيونالدىعىمەن شەكتەلىپ قالماي, اۋىلشارۋاشىلىق ونىمدەرىن, مىسالى كوكونىستەر مەن جەمىستەردى, ماكارون ونىمدەرىن وڭدەيتىن بىرلەسكەن كاسىپورىندار اشۋدى پىسىقتاۋدى ۇسىنامىز. جەڭىل ونەركاسىپتەگى بىرلەسكەن جوبالاردىڭ بولاشاعى بار. مۇنداي بىرلەسكەن كاسىپورىندار بىزگە ءۇشىنشى ەلدەردىڭ نارىقتارىنا بىرلەسىپ قول جەتكىزۋگە مۇمكىندىك بەرەدى», دەدى قازاقستاندىق دەلەگاتسيا باسشىسى.
سونىمەن بىرگە, قازاقستان مەن قىرعىزستانعا ۆەتەرينارلىق جانە فيتوسانيتارلىق شارالار بويىنشا ىنتىماقتاستىقتى جالعاستىرۋ قاجەت. جانۋارلار اۋرۋلارىنىڭ تارالماۋىن باقىلاۋ جانە كارانتيندىك وبەكتىلەرمەن بىرلەسىپ جۇمىس ىستەۋ ەكسپورتتىق نارىقتارعا قول جەتكىزۋدى ەداۋىر جەڭىلدەتەدى. نۇر-سۇلتان قالاسى تەحنيكالىق رەگلامەنتتەردىڭ تالاپتارىنا سايكەس كەلمەيتىن جالعان اۋىلشارۋاشىلىق ونىمدەرىمەن كۇرەسۋ ءۇشىن كۇش بىرىكتىرۋگە دايىن.
ەكى ەلدىڭ اگروونەركاسىپتىك كەشەنىن ويداعىداي دامىتۋ ءۇشىن ترانسشەكارالىق وزەندەردىڭ سۋ رەسۋرستارىن ۇتىمدى پايدالانۋدى قامتاماسىز ەتۋ قاجەت.
ب.سۇلتانوۆ الداعى ۆەگەتاتسيالىق كەزەڭدە بەكىتىلگەن كەستەگە سايكەس مەملەكەتارالىق پايدالانىلاتىن سۋ شارۋاشىلىعى نىساندارىنا سۋ جەتكىزىلەتىنىنە سەنىم ءبىلدىردى.
سونىمەن قاتار, ول قىرعىز تاراپىن بيىلعى 2 ناۋرىزدا قىرعىز رەسپۋبليكاسى پرەزيدەنتىنىڭ قازاقستانعا رەسمي ساپارى كەزىندە قول قويىلعان ەلەكتر ەنەرگياسىن ايىرباستاۋ تۋرالى حاتتامانىڭ تالاپتارىن ورىنداۋعا شاقىردى. وسى حاتتاما ەكى مەملەكەت اراسىنداعى سۋ-ەنەرگەتيكالىق ىنتىماقتاستىقتى نىعايتۋدى كوزدەيدى.
ەنەرگەتيكا جانە ونەركاسىپ مينيسترلىگىندە وتكەن كەلىسسوزدەر بارىسىندا قازاقستاندىق دەلەگاتسيا قىرعىزستانداعى قازاقستاندىق ينۆەستيتسيالاردىڭ مۇددەلەرىن قورعاۋ تاقىرىبىن كوتەردى. تاراپتار ارنايى قۇرىلعان جۇمىس توبى اياسىندا بارلىق پروبلەمالىق ماسەلەنى شەشۋ بويىنشا جول كارتاسىن ازىرلەۋگە كەلىستى.
