ساياسات • 17 ناۋرىز، 2021

پرەزيدەنتتىك جاستار كادرلىق رەزەرۆىنە ەكىنشى ىرىكتەۋ وتەدى

40 رەت كورسەتىلدى

مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆانىڭ قاتىسۋىمەن مەملەكەت باسشىسى بەكىتكەن مەملەكەتتىك باسقارۋ تۇجىرىمداماسىنا ارنالعان ءباسپاسوز-كونفەرەنتسياسى ءوتتى.

جيىندا «تۇجىرىمداما ازاماتتاردىڭ مەملەكەتپەن ءوزارا ءىس-قيمىلىن جاق­سار­تۋعا، مەملەكەتتىك جوسپارلاۋدىڭ تيىم­دىلىگىن، مەملەكەتتىك قىزمەتتىڭ كادر قۇرامىنىڭ ساپاسىن ارتتىرۋعا، مەم­لە­كەتتىك قىزمەتتەر كورسەتۋدىڭ بەلسەندى فورماتىنا كوشۋگە، رەتتەۋشىلىك جانە سىبايلاس جەمقورلىققا قارسى ساياساتتى جەتىلدىرۋگە، سونداي-اق سوت جانە قۇقىق قورعاۋ جۇيەلەرىن ترانسفورماتسيالاۋعا باعىتتالعان»، دەدى انار جايىلعانوۆا.

مەملەكەتتىك باسقارۋدىڭ جاڭا مودەلى «حالىق ۇنىنە قۇلاق اساتىن»، ءتيىمدى، ەسەپ بەرەتىن، كاسىبي جانە پراگماتيكالىق مەملەكەت قاعيداتتارىنا نەگىزدەلەتىن بولادى. سونداي-اق مەملەكەتتىك قىزمەت ىستەرى اگەنتتىگىنىڭ توراعاسى تۇجىرىمدامانى ىسكە اسىرۋ شەڭبەرىندە تالانتتاردى ىزدەستىرۋ جانە ولاردى رەسپۋبليكالىق دەڭگەيدە مەملەكەتتىك قىزمەتكە تارتۋ جو­نىن­دەگى تەتىكتەر جەتىلدىرىلەتىنىن اتاپ ءوتتى. بۇدان بولەك، مەملەكەتتىك قىز­مەتكە تالانتتى جاستاردى تارتۋ جانە مەملەكەتتىك اپپاراتتىڭ الەۋەتىن ارتتىرۋ ءۇشىن پرەزيدەنتتىك جاستار كادرلىق رەزەرۆىنە ىرىكتەۋدى ودان ءارى جۇيەلەۋ بو­يىنشا جۇمىس جالعاساتىن بولادى. اتاپ ايتقاندا، وسى جىلى پرەزيدەنتتىك رەزەرۆكە ەكىنشى ىرىكتەۋ وتەدى.

مەملەكەتتىك قىزمەت پروبلە­مالا­رىنىڭ ءبىرى مەملەكەتتىك ورگانداردا بەيىندى جانە بىرەگەي مامانداردىڭ جەتىسپەۋشىلىگى بولىپ قالۋدا، قاجەتتى قۇزىرەتتەرى بار وسىنداي ادامداردى تارتۋ ءۇشىن، مەريتوكراتيا قاعيداتتارىن ساقتاي وتىرىپ، «پوزيتسيالىق» مودەلدىڭ ەلەمەنتتەرى كەڭەيتىلەتىن بولادى. ىرىكتەۋ راسىمدەرىن ودان ءارى جەتىلدىرۋ كەزىندە كانديداتتاردىڭ، ونىڭ ىشىندە جۇرتشىلىق پەن ساراپشىلاردى تارتا وتىرىپ، كاسىبي جانە جەكە قۇزىرەتتەرىن باعالاۋعا باسا نازار اۋدارىلادى.

ىرىكتەۋدىڭ بارلىق كەزەڭدەرى اۆتوماتتاندىرىلادى، بۇل ىرىكتەۋ پروتسەستەرىنىڭ وبەكتيۆتىلىگى مەن اشىقتىعىن قامتا­ماسىز ەتەدى، سونداي-اق كانديداتتاردى پرواكتيۆتى تۇردە ىزدەۋدى جۇزەگە اسىرۋعا مۇمكىندىك بەرەدى. تاعى ءبىر جاڭاشىلدىق – كەلىسىمشارتتىق مەملەكەتتىك قىزمەتشىلەر ينستيتۋتىن ەنگىزۋ. بۇل مەملەكەتتىك باستامالار مەن سالالىق جوبالاردى ىسكە اسىرۋ كەزەڭىندە ارنايى ءبىلىمى بار كاسىبي مامانداردى تارتۋعا مۇمكىندىك بەرەدى.

اتالعان مىندەتتەر پەرسونالدى باسقارۋ قىزمەتتەرىنىڭ وكىلەتتىكتەرى مەن مارتەبەسىن قايتا قاراۋدى جانە ولار­دىڭ دەربەستىگى مەن جاۋاپكەرشىلىگىن ارتتىرۋدى تالاپ ەتەدى. «كادرلىق ستراتەگيا» جانە «كادرلىق جوسپارلاۋ» سياقتى ۇعىمدار ەنگىزىلەتىن بولادى. «كادرلىق جۇمىستان ادامي رەسۋرستاردى باسقارۋعا كوشۋ پەرسونالدى باسقارۋ قىزمەتتەرىن كۇندەلىكتى جۇمىستان بوساتۋدى جانە ولاردىڭ قىزمەتىن تسيفرلاندىرۋدى تالاپ ەتەدى. وسى ماقساتتا ءبىز وپەراتسيالىق كادرلىق پروتسەستەردى وڭتايلاندىرۋعا جانە اۆتوماتتاندىرۋعا مۇمكىندىك بەرەتىن iQyzmet اقپاراتتىق جۇيەسىن قۇرۋ بو­يىنشا جۇمىس جۇرگىزىپ جاتىرمىز»، دەدى ا.جايىلعانوۆا.

بريفينگ بارىسىندا ورتالىق پەن وڭىرلەر اراسىندا بىلىكتى مامانداردى بولۋدەگى تەڭگەرىمسىزدىك (قابىلەتتى كادر­لار ورتالىقتا جۇمىس ىستەۋگە تىرىسادى) جانە مينيسترلىكتەردىڭ مەملەكەتتىك قىزمەتشىلەرىنىڭ جەرگىلىكتى جەرلەردەگى جاعدايدى ءبىلۋىنىڭ جەتكىلىكسىزدىگى باي­قالاتىنى ايتىلدى. ۆەدومستۆو باسشى­سىنىڭ ايتۋىنشا، ورتالىقتا جوعارى وقۋ ورنىنان كەيىنگى ءبىلىمى بار مەملەكەتتىك قىزمەتشىلەردىڭ ۇلەسى وڭىرلەردە ۇقساس كورسەتكىشتەن 4،6 ەسە جوعارى (ورتالىقتا – 16،6%، وڭىرلەردە – 3،6%); «بولاشاق» باعدارلاماسىن بىتىرۋشىلەر – 29 ەسە (ورتالىقتا – 4،5%، وڭىرلەردە – 0،2%); مەملەكەتتىك باسقارۋ اكادەمياسىنىڭ تۇلەكتەرى – 14 ەسە جوعارى (ورتالىقتا – 5،3%، وڭىرلەردە – 0،4 %). وسىعان بايلانىستى، اگەنتتىك ورتالىق پەن وڭىر­لەردەگى مەملەكەتتىك قىزمەتشىلەردىڭ ەڭبەك جاعدايلارىن تەڭدەستىرۋ بويىنشا بىرقاتار ءىس-شارا ازىرلەۋدە. بۇل، مىسالى، ورتالىق پەن ايماقتار اراسىنداعى جانە مەملەكەتتىك باسقارۋ جۇيەسىندەگى يەرارحيا اراسىنداعى جالاقىداعى سايكەسسىزدىكتەردى ازايتاتىن فبش (فاكتورلى بالدىق شاكىل) جۇيەسى.

مەملەكەتتىك اپپاراتتاعى جۇمىستىڭ تارتىمدىلىعى الەۋمەتتىك پاكەتتى قايتا قاراۋ ەسەبىنەن دە ارتاتىن بولادى.

«سونىمەن بىرگە، «جاڭا فورماتسيا باسشىسى» باعدارلاماسىن ىسكە اسىرۋ ارقىلى ترانسفورماتسيالىق كوشباسشىلار ينس­تيتۋتى داميتىن بولادى»، دەدى اگەنتتىك توراعاسى.

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار