وتكەن جىلدىڭ 24 جەلتوقسانىندا وبلىس ورتالىعىندا جول-كولىك وقيعاسى بولعانى راس. قىزىلوردا قالالىق پوليتسيا باسقارماسىنىڭ كەزەكشى ينسپەكتورى ءتيىستى ءىس-قۇجاتتاردى جيناقتاپ, جول-كولىك وقيعاسى بويىنشا سىزبا جاسالىپ, كولىك رۋلىندەگى ايەلگە قاتىستى اكىمشىلىك قۇقىق بۇزۋشىلىق تۋرالى كودەكستىڭ 610-بابىنىڭ 2-بولىگىمەن اكىمشىلىك ءىس رەسىمدەلگەن.
بۇل دەرەك بويىنشا قىزىلوردا وپد اكىمشىلىك پوليتسيا باسقارماسى اكىمشىلىك ءىس جۇرگىزىپ, سوتقا جولداپتى. 10 ناۋرىزدا قىزىلوردا قالالىق مامانداندىرىلعان اكىمشىلىك سوتىنىڭ شەشىمىنە سايكەس كولىك باسقارعان ادام كىنالى دەپ تانىلىپ, وعان 116 680 تەڭگە ايىپپۇل سالىنعان.
وسى جول-كولىك وقيعاسىنان زارداپ شەككەن قىز بالانىڭ دا بەينەجازباسىن كوردىك. ءۇش ايعا سوزىلعان ءىستىڭ شەشىلۋىنە ىقپال ەتكەن زاڭگەرگە العىس ايتىپتى. پوليتسەيلەرگە دەگەن وكپەسىن دە جاسىرىپ قالماپتى. وبلىستىق پد ءباسپاسوز قىزمەتى ءوز قىزمەتكەرلەرىنىڭ بىلتىر 24 جەلتوقساندا بولعان بۇل وقيعادان كەيىن سوت-مەديتسينالىق ساراپتاما قورىتىندىسىن كۇتكەنىن ايتادى. اۋەلگى شەشىمگە جابىرلەنۋشى كەلىسپەگەن سوڭ قايتا ساراپتاما تاعايىندالىپ, سونىڭ ناتيجەسىنە قارايلاعان كورىنەدى.
ال وسى جىلدىڭ 3 قاڭتارىندا شيەلى اۋدانىندا بولعان جول-كولىك وقيعاسىنا بايلانىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 2-بولىگىمەن اكىمشىلىك حاتتاما رەسىمدەلىپ, جول-كولىك وقيعاسىنان دەنە جاراقاتتارىن العان ازاماتتارعا قاتىستى سوت-مەديتسينالىق ساراپتاما تاعايىندالعان. ونىڭ قورىتىندىسى «وپەل ۆەكترا» ماركالى اۆتوكولىگىندەگى ەكى جولاۋشىنىڭ «اۋىر» دارەجەلى دەنە جاراقاتتارىن العاندىعىن كورسەتكەن.
«ۋاز» اۆتوكولىگى جۇرگىزۋشىسىنىڭ ءىس-ارەكەتىندە قازاقستان رەسپۋبليكاسى قىلمىستىق كودەكسىنىڭ 345-بابىنىڭ 2-بولىگىندە كوزدەلگەن قىلمىستىق قۇقىق بۇزۋشىلىقتىڭ قۇرامى بولۋىنا بايلانىستى وعان قاتىستى سوتقا دەيىنگى تەرگەپ-تەكسەرۋ امالدارى جۇرگىزىلۋدە.
پوليتسيا دەپارتامەنتى زاڭگەردىڭ «الماتىدا پروباتسيالىق ەسەپتە تۇراتىن ادامنىڭ شيەلىدەگى قىلمىسقا قاتىسى بولماسا دا جاۋاپقا تارتىلىپ وتىر», دەگەنىمەن كەلىسپەيدى. «بۇل دەرەك بويىنشا شيەلى اۋداندىق پوليتسيا ءبولىمى سوتقا دەيىنگى تەرگەپ-تەكسەرۋ امالدارىن جۇرگىزىپ, كۇدىكتىنىڭ ءىس-ارەكەتى تولىق اشكەرەلەنگەن», دەيدى ولار. قىلمىستىق ءىس ايىپتاۋ اكتىسىمەن اۋداندىق پروكۋراتۋراعا جولدانىپ, 21 قاڭتاردا كەلىسىم الىنىپ, سوتقا جولداندى. قازىر ءىس سوتتا قارالۋدا.
الەۋمەتتىك جەلىدە جوندەۋگە بەرگەن كولىگىنە شەبەر قاساقانا زاقىم كەلتىرگەن تۇرعىننىڭ جانايقايى دا ءجۇر. قوعام بەلسەندىسى ايتقان وسى ماسەلەگە وراي پوليتسەيلەر ءتيىستى شارا جۇرگىزىلىپ جاتقانىن جەتكىزگەن ەدى. «ارىزىم مەرزىمىندە تىركەلمەدى» دەگەن ازامات قۇقىق قورعاۋشىلاردىڭ بەيجايلىعىنا وكپە ايتادى. تەرگەۋشىنىڭ ءىس جۇرگىزۋدەن بۇرىن ەكى جاقتى ىڭ-شىڭسىز كەلىسە سالۋعا شاقىرعانىنا دا نارازى. زاڭگەر قىزىلوردالىق قۇقىق قورعاۋشىلارعا ارناعان بەينەجازباسىندا «وبلىستاعى پوليتسەيلەر اراسىندا ەكى جاقتى ىمىرالاستىرىپ, ءىستى ىڭ-شىڭسىز بىتىرۋگە تىرىساتىندار بار» دەگەندى ايتقان ەدى. ارينە, ءبىتىم شارتى قوس تاراپتىڭ دا كوڭىلىنەن شىعىپ جاتسا, اڭگىمە باسقا. بىراق الەۋمەتتىك جەلىدە پوگون تاققانداردىڭ وسى ءادىستى ءجيى قولداناتىنىن ايتقانداردىڭ شىرىلى باسىمداۋ ەستىلىپ تۇرعان سياقتى.
ايتپاقشى, الەۋمەتتىك جەلىدەگى بەينەجازبادا ايتىلعان ماسەلەلەرگە بايلانىستى وبلىستىق پوليتسيا دەپارتامەنتىنىڭ وزىندىك قاۋىپسىزدىك باسقارماسى تەكسەرۋ جۇمىستارىن باستاپ كەتىپتى. بۇل ءىس مۇقيات تەكسەرىلمەسە, ءبىزدىڭ «حالىق ۇنىنە قۇلاق اساتىن مەملەكەتكە» اينالۋعا تالپىنعان تالابىمىزعا تۇساۋ بولماق.
قازىر قوعام بەلسەندىسىنىڭ ۇندەۋىنە پىكىر ءبىلدىرىپ جاتقاندار كوپ. جەلىدەگى جۇرتتىڭ ايتقاندارى وزىندىك قاۋىپسىزدىك باسقارماسى قىزمەتكەرلەرىنىڭ اتقارار جۇمىسى از بولمايتىنىن بايقاتىپ تۇرعانداي.
قىزىلوردا
