ايماقتار • 16 ناۋرىز، 2021

سولتۇستىك قازاقستاندا ساتىلىمعا ۋلى ويىنشىقتار شىققان

16 رەت كورسەتىلدى

سولتۇستىك قازاقستان وبلىسىندا ساۋدا ورىندارىندا قۇرامىندا فەنول بار ويىنشىقتار ساتىلىمعا شىققان، دەپ حابارلايدى Egemen.kz

كوبىنە-كوپ قىتايدان بالالارعا ساپاسىز ءارى قاۋىپتى تاۋارلار اكەلىنەدى. سول سەبەپتى ۋلى ويىنشىقتاردان بالالار دەم الا الماي، كوزدەرى قىزارادى. وبلىستا بىلتىر ۋلە فەنول بار 100-دەن اسا ويىنشىق جويىلعان.

«مەن ويىنشىقتا وتكىر ءيىس بارىن بايقادىم. ولاردى تەز ارادا تاستادىق. ويتكەنى ءيىسى جامان بولعاندىقتان، ويىنشىقتاردى بالالارعا بەرۋدەن قورىقتىم. ارزان ويىنشىقتاردى وتە سيرەك الامىز. كەيىن بالالار زارداپ شەكپەس ءۇشىن قىمباتىراق العان دۇرىس»، دەدى پەتروپاۆل قالاسىنىڭ تۇرعىنى ناتاليا نەكراسوۆا.

وبلىستىق سانيتارلىق-ەپيدەميالىق باقىلاۋ دەپارتامەنتىنىڭ تەحنيكالىق رەگلامەنتتەر تالاپتارىن باقىلاۋ ءبولىمىنىڭ باسشىسى دانيار وسپانوۆ الىنعان سىنامانى زەرتتەۋ كەزىندە فەنول كونتسەنتراتسياسىنىڭ 13 ەسە ارتقانى انىقتالعانىن ايتتى.

«»بالادا كوزدىڭ قىزارۋى، اۋىز جانە مۇرىن شىرىشتى قابىعىنىڭ قابىنۋى بولادى. ۇزاق ۋاقىت ويناعان كەزدە بالادا دەم الۋ قيىندايدى»، دەيدى ول.

ساراپشىلار ويىنشىقتى ساتىپ الماس بۇرىن مۇقيات تەكسەرۋدى سۇرايدى. ۇلكەندەر ونىمدەردىڭ تولىق سيپاتتاماسى بولۋىن جانە ساتۋشىلاردان تاۋاردىڭ سەرفيكاتىن تالاپ ەتە الادى. وسى ورايدا داريار وسپانوۆ ساتىپ الۋ الدىندا ويىنشىقتىڭ يىسىنە ءمان بەرۋدى العا تارتادى.

ايتا كەتەيىك، 1 شىلدەدەن باستاپ ەاەو ەلدەرىندە شەتەلدىك ونلاين-ساتۋشىلار ويىنشىقتار قاۋىپسىزدىگىن قۇجاتپەن راستاۋى قاجەت. ەگەر انىقتاما بولماسا، تاۋاردى ساتۋعا رۇقسات ەتىلمەيدى. 

 

سوڭعى جاڭالىقتار

ۇقساس جاڭالىقتار