سول سەبەپتى مەن پرەزيدەنتتىڭ زاڭ شىعارۋعا باستاماشىلىق ەتۋ قۇقىن تولىق پايدالانىپ, وسىنداي شەشىم شىعارۋىن تولىعىمەن قولدايمىن.قازاقتا «ۇلتاراقتاي بولسا دا, اتامەكەن جەر قىمبات» دەگەن ۇلاعاتتى ءسوزى بار. وسىناۋ كەڭ-بايتاق قاسيەتتى جەر ءبىزدىڭ اتا-بابامىزدىڭ قانىمەن, جانىمەن قورعاپ قالعان دۇنيەسى. قانشا دۇنيە ساۋداعا ءتۇسىپ, ساتىلعانىمەن, جەر ول – حالىقتىڭ ماڭگىلىك قازىناسى.
سوندىقتان دا ونى ساتۋعا ەشكىمنىڭ دە قۇقى جوق. الاقانداي جەر بولسا دا ول ءبىزدىڭ, قازاق ەلىنىڭ ەنشىسىندەگى قۇندىلىق بولىپ قالۋى كەرەك. قازاقتىڭ جەرىندە ءوزىمىزدىڭ ۇرپاقتارىمىز يە بولىپ قالۋ كەرەك, وسى جەردە ءوز پەرزەنتتەرىمىز ەڭبەك ەتىپ, ءوسىپ-ءونۋى, ءومىر ءسۇرۋى قاجەت.
ەل ەگەمەندىگىنىڭ ەڭ باستى قازىناسى – جەردى كوزىمىزدىڭ قاراشىعىنداي ساقتاپ, ەرتەڭگە امانات ەتىپ قالدىرۋ – مەملەكەتتىڭ جۇگىن ارقالاعان ازاماتتاردىڭ بۇگىنگى باستى مىندەتى, مىنە, وسى. شىنداپ كەلگەندە, بۇل – كيەلى قازاق توپىراعىندا كىندىك قانى تامعان ارقايسىسىمىزدىڭ قاسيەتتى پارىزىمىز. ويتكەنى جەردىڭ تاعدىرى – ەلدىڭ تاعدىرى.
اكىم ىسقاق,
قوعام قايراتكەرى
