پاۆلودار قالاسىنداعى 6679 اسكەري بولىمىندە قايعىلى وقيعا بولدى. الدىن الا مالىمەتتەرگە سايكەس, كەلىسىمشارتپەن قىزمەت ەتەتىن اسكەري قىزمەتشى وزىنە بەكىتىلگەن قارۋدان وق اتقان. سالدارىنان ءوزى وقيعا ورنىندا قازا تاپقان.
اقتاۋدا مەرزىمدى اسكەري قىزمەتشى قازا تاپتى
«وقيعا كەزىندە تاعى ءبىر كەلىسىمشارتتاعى اسكەري قىزمەتشى جاراقات الدى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر, وقيعانىڭ بارلىق ءمان-جايى انىقتالىپ جاتىر. زارداپ شەككەن ازاماتقا قاجەتتى مەديتسينالىق كومەك كورسەتىلىپ جاتىر. تەرگەۋ بارىسى ىشكى ىستەر مينيسترلىگى اسكەري تەرگەۋ دەپارتامەنتىنىڭ باقىلاۋىندا», دەلىنگەن ىشكى ىستەر مينيسترلىگى تاراتقان حابارلامادا.
جامبىل وبلىسىنداعى سارباز ءولىمى: كومانديردىڭ سالعىرتتىعى بويىنشا تەرگەۋ اياقتالدى
زارداپ شەككەن اسكەري قىزمەتشىگە مەديتسينالىق كومەك كورسەتىلىپ جاتىر.
«2001 جىلى تۋعان ناۋقاس پاۆلودار قالالىق № 1 اۋرۋحاناسىنىڭ جانساقتاۋ بولىمىندە جاتىر. جاعدايى اۋىر, تۇراقتى. بارلىق قاجەتتى ەمدىك شارالار جۇرگىزىلىپ جاتىر», دەلىنگەن وڭىرلىك دەنساۋلىق ساقتاۋ باسقارماسىنىڭ حابارلاماسىندا.
