جارىستىڭ اشىلۋ سالتاناتىندا تۇركىستان وبلىسىنىڭ اكىمى ومىرزاق شوكەەۆ بوكس جاستاردى قايسارلىققا, پاتريوتتىق رۋحىن قالىپتاستىرۋعا, ءوزارا قارسىلاستارىن قۇرمەتتەۋگە سەپتىگىن تيگىزەتىنىن اتاپ ءوتتى. «ەلىمىز ءوز تاۋەلسىزدىگىن العالى بەرى ەلىمىزدە سپورتتىڭ بوكس ءتۇرى قارقىندى دامۋدا. سپورتشىلارىمىز حالىقارالىق ارەنالاردا كوك تۋىمىزدى جەلبىرەتىپ, وليمپيادا ويىندارى مەن الەم جانە ازيا چەمپيوناتتارىنىڭ جەڭىمپازدارى جانە جۇلدەگەرلەرى اتاندى. جارىسقا قاتىسۋشى بوكسشىلارعا ساتتىلىك تىلەي وتىرىپ, شارشى الاڭدا تەك مىقتىلاردىڭ جەڭىپ شىعۋىنا تىلەكتەسپىن», دەدى وبلىس اكىمى. ال بەكزاتتىڭ اناسى سارلىكۇل ساتتارحانوۆا باتىر ۇلى تۋرالى ەستەلىك ايتىپ, جارىستى ۇيىمداستىرۋشىلارعا العىس ءبىلدىردى.
بۇل جارىستا 2002-2004 جىلدارى تۋعان جاستار باق سىناۋدا. جارىس جەڭىمپازى اتانعان بوكسشىعا «سپورت شەبەرى» اتاعى بەرىلەدى.
سيدنەي وليمپياداسىنىڭ جەڭىمپازى, 1-دارەجەلى «بارىس» وردەنىنىڭ يەگەرى, قازاقستان رەسپۋبليكاسىنا ەڭبەگى سىڭگەن سپورت شەبەرى بەكزات ساتتارحانوۆتى ەسكە الۋعا ارنالعان جاستار اراسىنداعى بوكستان XIح حالىقارالىق ءتۋرنيرى
ناۋرىزدىڭ 20-نا دەيىن جالعاسادى. سايىس جەڭىمپازدارى ءساۋىر ايىندا پولشادا وتەتىن الەم چەمپيوناتىنا جولداما الادى.
