ەلوردا • 15 ناۋرىز، 2021

نۇر-سۇلتاندا كوليزەي اشىلادى

169 رەت كورسەتىلدى

ەلوردانىڭ اتاتۇرىك پاركىنە رەكونسترۋكتسيا جۇمىستارى جۇرگىزىلەدى. مۇندا وسى جازدا كوشە سپورتىنىڭ كوليزەيى پايدا بولماق. ەكى دەڭگەيلى مۋلتيفۋنكتسيونالدى ارەنانىڭ 4 كىرەبەرىسى، پەريمەترى بويىنشا وتىراتىن ورنى بولادى. ال ەكىنشى دەڭگەيىندە كولەڭكەلى شاتىرلار قاراستىرىلعان، دەپ حابارلايدى Egemen.kz

ەكى دەڭگەيلى ارەنا باسكەتبول، فۋتبول جارىستارى، بوكس تۋرنيرلەرى، بي باتلدارى جانە گيمناستيكا جارىستارى وتەتىن ورىنعا اينالادى. قىستا ستەند حوككەيشىلەر مەن كونكيمەن سىرعاناۋشىلار ءۇشىن مۇز ايدىنىنا اينالۋى مۇمكىن.

«ەلوردا اكىمى التاي كولگىنوۆتىڭ تاپسىرماسى بويىنشا قالا اۋماقتارىن، ياعني ساياباقتاردى، سكۆەرلەردى، اۋلا اۋماقتارىن اباتتاندىرۋعا ەرەكشە كوڭىل بولىنەدى. وسىلايشا، اتاتۇرىك پاركىن فۋنكتسيونالدى تۇردە ستريتفۋد، سپورتتىق-جاتتىعۋ، بالالار ويىن جانە ميني-ەكسترەمالدى الاڭدارعا ءبولۋ جوسپارلانىپ وتىر. مەملەكەت باسشىسىنىڭ قازاقستان حالقىنا جولداۋىن ىسكە اسىرۋ ماقساتىندا كوشە سپورتىن ناسيحاتتاۋعا باسا نازار اۋدارىلىپ وتىر. بۇل جۇمىس بۇكىل قالا بويىنشا جالعاساتىن بولادى»، دەپ اتاپ ءوتتى نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۇرانحاەۆ.

1

ساياباق اۋماعىندا ستريتبولعا ارنالعان 5 الاڭ جاساۋ جوسپارلانۋدا. وسىلايشا، ءبىر ۋاقىتتا ءارتۇرلى الاڭقايدا ويىندار وتكىزۋگە بولادى. بۇل ءوز كەزەگىندە جارىستارعا دا ىڭعايلى.

ۋربانيستيكا ورتالىعىنىڭ باسشىسى ەلنار بازىكەننىڭ ايتۋىنشا، ساياباققا كولەڭكە ءتۇسىرۋ ءۇشىن قالقالار، اتكەنشەكتەر، كوشە جيھازدارى، جىلدام تاماقتانۋعا ارنالعان پاۆيلوندار ورناتۋ جوسپارلانعان. جۇمىس بيىل باستالادى.

ەستەرىڭىزگە سالا كەتەيىك، جۇمىس «نۇر-سۇلتان – جايلى قالا» ماستەر-جوسپارى بويىنشا جۇرگىزىلىپ جاتىر. ونى جۇزەگە اسىرۋ اياسىندا بىلتىر ەلوردادا 60 قوعامدىق كەڭىستىك قۇرىلىپ، 150-دەن استام اۋلا اباتتاندىرىلدى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار