«جيىن بارىسىندا مەملەكەت باسشىسىنىڭ «تاۋەلسىزدىك بارىنەن قىمبات» اتتى ماقالاسىندا مىندەتتەگەن تاپسىرمالارىن ورىنداۋ بارىسىن تالقىلادىق. ەل پرەزيدەنتى قاسىم-جومارت توقاەۆ قازاقستان تاريحى بويىنشا جاڭا اكادەميالىق باسىلىمدى, سونداي-اق قازاقستان تاريحى ءپانى بويىنشا بىرىڭعاي وقۋلىقتاردى دايىنداۋدى تاپسىرعان بولاتىن.
عالىمدارمەن جانە مۇعالىمدەرمەن قازاقستاننىڭ تاريح عىلىمىن دامىتۋ تۇجىرىمداماسىن ازىرلەۋ ماسەلەلەرى, قازاقستان تاريحى بويىنشا جاڭا اكادەميالىق باسىلىمدى, قازاقستان تاريحى بويىنشا بازالىق مەكتەپ وقۋلىعىن دايىنداۋدىڭ ۇيىمداستىرۋشىلىق جانە ادىسنامالىق ماسەلەلەرى, مەكتەپتەردە تاريحتى وقىتۋ پروبلەمالارى, ونىڭ ىشىندە ۇلگىلىك باعدارلاما دايىنداۋ تۋرالى ماسەلەلەر تالقىلاندى. بۇل ورتاق جۇمىستىڭ ماڭىزى زور.
بۇل جۇمىستا ناۋقانشىلدىق پەن اسىعىستىق بولماۋ كەرەك ەكەنى دە تۇسىنىكتى. ءبىزدىڭ مينيسترلىك تاريحشى عالىمدار مەن مۇعالىمدەردىڭ ايتقان ۇسىنىستارى مەن يدەيالارىن ەسكەرەتىن بولادى. جوعارىدا اتالعان باعىتتار بويىنشا جۇمىسقا بارلىق تاريحشىلاردى قاتىسۋعا شاقىرامىن. ءوز ۇسىنىستارىڭىزدى عىلىم كوميتەتىنىڭ كورپوراتيۆتىك پوشتاسىنا kn@edu.gov.kz جىبەرۋدى سۇرايمىن», دەپ جازدى ا.ايماعامبەتوۆ.
