تاراپتار مۇسىلمان ۇمبەتىن الاڭداتقان بىرقاتار ماسەلەنى, اتاپ ايتقاندا يپوتەكامەن ءۇي الۋ, ءدىني مەرەكەلەردى بەكىتۋ, ءوز ەلىندە كەڭ تاراعان ءمازھابتى ۇستانۋ سىندى جاعداياتتاردى تالقىلادى. مۇفتيلەر وسى باعىتتا ورتاق ءپاتۋا قابىلداۋعا ۋاعدالاستى.
قازاقستان جانە مىسىر ءمۇفتيى ەكىجاقتى ارىپتەستىك ءھام باۋىرلاستىق بايلانىستى ارتتىرۋ ماقساتىندا قازاقستان مۇسىلماندارى ءدىني باسقارماسى مەن مىسىر اراب رەسپۋبليكاسىنىڭ ءپاتۋا بەرۋ ورتالىعى اراسىنداعى عىلىمي جانە ءدىني ىنتىماقتاستىق تۋرالى كەلىسىمگە رەسمي تۇردە قول قويىپ, ءوزارا قۇجات الماستى.
اتالعان قۇجات ەكى تاراپقا ءتۇرلى ءدىني اعىمدار مەن پىكىرلەردى ساراپتاپ, زەرتتەۋ جۇرگىزۋدى, زەرتتەۋ جۇمىسىنىڭ قورىتىندى ءپاتۋاسىن شىعارۋدى مىندەتتتەيدى.
سونداي-اق مىسىر تاراپى قازاقستاننان جىبەرىلگەن يمامدار مەن عالىمدارعا ءپاتۋا شىعارۋدى, ءپاتۋا بەرۋ ءادىسىن ۇيرەتۋدى ءوز مىندەتىنە الادى.
كەلىسىمگە سايكەس تاراپتار وقۋ-اعارتۋ, كىتاپ شىعارۋ, بىلىكتىلىكتى كوتەرۋ, يسلامعا قاتىستى قاتە ۇعىمدارعا دەر كەزىندە جاۋاپ بەرۋ سىندى بىرلەسكەن جوبالاردى جۇزەگە اسىرادى.
ورتاق ماقساتتى ورىنداۋ ءۇشىن باس ءمۇفتي ناۋرىزباي قاجى تاعان ۇلىنىڭ تاپسىرماسىمەن قمدب جانىنان جۇمىس توبى قۇرىلدى.
