ال وسى جارىستىڭ جالپى ەسەبىندە ماكسيميليان شاحمان شاشاسىنا شاڭ جۇقتىرمادى. «BORA-hansgrohe» كلۋبى ساپىندا ونەر كورسەتەتىن 27 جاستاعى نەمىس سپورتشىسىنىڭ كورسەتكىشى – 28:49:51.
ەكىنشى ورىندا – الەكساندر ۆلاسوۆ. 24 جاستاعى رەسەيدىڭ ۆىبورگ قالاسىنىڭ تۋماسى بۇل كۇندەرى «استانانىڭ» قۇرامىندا باس سىناۋدا. ول جارىس جەڭىمپازىنان ءسال عانا قالىپ قويدى.
«استانانىڭ» تاعى ءبىر ۆەلوشاباندوزى ءۇشىنشى ساتىعا جايعاستى. 32 جاستاعى يسپانيانىڭ وكىلى يون يساگيررە 2009 جىلدان بەرى قازاقستاندىق كوماندانىڭ تۋى استىندا ونەر كورسەتۋدە.
ەستەرىڭىزگە سالا كەتەيىك, «پاريج-نيتستسا» كوپكۇندىگى سوناۋ 1933 جىلدان بەرى ۇيىمداستىرىلىپ كەلەدى. 2002 جانە 2003 جىلدارى جالاۋى جەلبىرەگەن جارىس قازاقستاننىڭ ماقتانىشى الەكساندر ۆينوكۋروۆتىڭ جەڭىسىمەن اياقتالعان بولاتىن. سونىمەن قاتار «استانانىڭ» ساپىنداعى لەگيونەرلەردە دە ايتۋلى دودادا بىرنەشە مارتە دارالاندى.
