شىنىندا دا, قولدانىستاعى سالىق زاڭناماسىنا سايكەس قۇننىڭ ءوسىمى انىقتاعان كەزدە بيرجا كوميسسيالارى, دەلدالدار نەمەسە دەپوزيتاري سياقتى شىعىستاردى شەگەرۋ جانە شەككەن زالالدى كەيىنگە شەگەرۋ دە قاراستىرىلماعان. جەكە تۇلعالاردىڭ شەتەلدىك قور بيرجالارىندا تۇرعان اكتسيالاردى ساتۋدان تۇسكەن تابىسىن الۋعا بايلانىستى شىعىستاردى شەگەرۋ ماسەلەسى قاراستىرىلىپ جاتىر ما؟
ۆەدومستۆونىڭ تۇسىندىرۋىنشە, قازىرگى ۋاقىتتا, ۇلتتىق ەكونوميكا مينيسترلىگىنىڭ الاڭىندا سالىق زاڭناماسىن جەتىلدىرۋ جونىندەگى جۇمىس توبى شەڭبەرىندە سالىق زاڭناماسىنا بىرقاتار تۇزەتۋ ەنگىزۋ قاراستىرىلۋدا. جەكە تۇلعالاردىڭ كىرىستىڭ وسى ءتۇرىن الۋىنا بايلانىستى شىعىستاردى شەگەرۋ ماسەلەسى دە قاراستىرىلىپ جاتىر. اتالعان تالقىلاۋعا جەكە ادامدار دا قاتىسا الادى. ول ءۇشىن ءسىز ۇلتتىق ەكونوميكا مينيسترلىگىنە الەمدىك تاجىريبەنىڭ زاڭنامالىق تۇرعىدان رەتتەلەتىن نورمالارىن ەسكەرە وتىرىپ, قۇننىڭ ءوسۋىن انىقتاۋ تۋرالى كوزقاراسىڭىزدى جىبەرە الاسىز.
نەلىكتەن شەككەن زالالدى كەيىنگە شەگەرۋ قاراستىرىلماعان؟
كەلتىرىلگەن شىعىندار تۋرالى ايتا كەتۋ كەرەك, شەككەن زالال ۇعىمى «كلاسسيكالىق» تۇردە دە, سالىق كودەكسىنىڭ 299-بابىنا سايكەس تە, شىعىنداردىڭ كىرىستەن اسىپ ءتۇسۋىن بىلدىرەدى. بۇل كىرىستەر, ەڭ الدىمەن, وندىرىستىك قىزمەت ناتيجەسىندە پايدا بولادى.
باعالى قاعازداردى ساتۋدان تۇسكەن كىرىستەر ء«پاسسيۆتى» كىرىسكە جاتادى. ال جەكە تۇلعالار مۇنداي وپەراتسيالاردان تۇسكەن كىرىستەر مەن شىعىندارىنا ەسەپ جۇرگىزبەيدى. سايكەسىنشە, مۇنداي وپەراتسيالاردان شەككەن زالالدار بولاشاقتا ەسەپكە الىنبايدى.
