الەم • 14 ناۋرىز، 2021

گرۋزيادا 15 ناۋرىزدان باستاپ ۆاكتسينا ەگىلەدى

31 رەت كورسەتىلدى

ۇلتتىق اۋرۋلاردى باقىلاۋ جانە قوعامدىق دەنساۋلىق ساقتاۋ ورتالىعىنىڭ باسشىسى اميران گامكرەليدزە 15 ناۋرىزدا گرۋزيا بويىنشا 29 كلينيكادا كوروناۆيرۋسقا قارسى ۆاكتسينا ەگۋ باستالاتىنىن مالىمدەدى، دەپ حابارلايدى Egemen.kz

«تبيليسيدە وسىنداي 10 ۆاكتسيناتسيا ورتالىعى بولادى، كۋتايسي مەن باتۋميدە تورتەۋ، رۋستاۆي مەن زۋگديديدە ەكەۋ، ال باسقا اۋدان ورتالىقتارىندا بىرەۋدەن. 17 ناۋرىزدا تاعى 35 مەكەمە، ال 19 ناۋرىزدا تاعى 23 مەكەمە قوسىلادى. وسىلايشا، ءبىر اپتادان كەيىن ۆاكتسيناتسيا پروتسەسى ەلدىڭ بارلىق مۋنيتسيپالدىق ورتالىقتارىنا تارالادى»، دەدى اميران گامكرەليدزە.

تبيليسيگە 13 ناۋرىزدا COVID-19 ۆاكتسيناسىنىڭ ءبىرىنشى پارتياسىنىڭ 43،2 مىڭ دوزاسى جەتكىزىلدى. ەلدە ەڭ الدىمەن سوڭعى 120 كۇندە كوروناۆيرۋسپەن اۋىرماعان مەديتسينالىق قىزمەتكەرلەرى ۆاكتسيناتسيادان وتەدى.

الدىن الا مالىمەتتەر بويىنشا، بۇل ەلدە ولاردىڭ سانى – 54 مىڭ. AstraZeneca ۆاكتسيناسىنىڭ گرۋزياعا كەلەسى جەتكىزىلىمى (86،4 مىڭ دوزا) ءساۋىر ايىنا جوسپارلانىپ وتىر.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار