2021 جىلدىڭ 1 ناۋرىزعا دەيىن اشىلعان, ءارى سالىمى جوق ەسەپشوتتاردى جابۋ تۋرالى شەشىم قابىلداندى. وسى جىلدىڭ 1 اقپانىنا دەيىن مۇنداي ەسەپشوتتاردىڭ سانى 121 مىڭ بولعان. ەستەرىڭىزگە سالا كەتەيىك, 2019 جىلدان باستاپ جەكە تۇلعاعا مىندەتتى زەينەتاقى جارنالارىن (مزج) ەسەپكە الۋ ءۇشىن بجزق-نا جۇگىنۋدىڭ قاجەتى جوق.
قوردىڭ اقپاراتتىق جۇيەسىندە شوت ءبىرىنشى جارنانى العاننان كەيىن اۆتوماتتى تۇردە اشىلادى, جەكە تۇلعانى سايكەستەندىرۋ زەينەتاقى جارناسىن اۋدارۋ كەزىندە تولەم تاپسىرىسىنىڭ ەلەكتروندىق فورماتىندا كورسەتىلگەن جەكە مالىمەتتەرگە سايكەس جۇزەگە اسىرىلادى جانە بارلىق قولدانىستاعى قۇجاتتىڭ دەرەكتەمەلەرى جانە بجزق-نىڭ باسقا دەرەكتەمەلەرى تۋرالى قاجەتتى اقپارات مەملەكەتتىك ورگانداردىڭ اقپاراتتىق جۇيەلەرىنەن الىنادى.
سالىمشى بجزق «ازاماتتارعا ارنالعان ۇكىمەت» مەملەكەتتىك كورپوراتسياسىنان ەلەكتروندىق حابارلاما العان كۇننەن باستاپ زەينەتاقىمەن قامسىزداندىرۋ تۋرالى كەلىسىمگە قوسىلدى دەپ سانالادى. جارنالاردى جۇمىس بەرۋشى ءبىرىنشى جالاقىدان قاجەتى قارجى اۋدارادى, بۇل جيناقسىز ەسەپشوتتاردىڭ پايدا بولۋىنا جول بەرمەيدى.
