ونكوپاتسيەنتتەردە Covid-19 اۋىر ءوتۋى مۇمكىن, ولاردىڭ كوروناۆيرۋستان قايتىس بولۋ قاۋپى جوعارى. سول سەبەپتى ولار ءۇشىن ۆاكتسينا سالدىرۋ ماڭىزدى.
«كوۆيدتەن ونكولوگيالىق ناۋقاستاردىڭ ءولىمى ناۋقاستىڭ جاعدايىنا, جاسىنا بايلانىستى 11-دەن 35% - عا دەيىن قۇرايدى. ناۋقاستىڭ جاعدايىنا بايلانىستى ونكولوگيالىق اۋرۋلارى بار بارلىق پاتسيەنتتى ۆاكتسينالاۋ قاجەت. يممۋنوسۋپرەسسيۆتى ناۋقاستاردا يممۋنيتەت قالىپتاسۋى قيىن بولۋى مۇمكىن ەكەنىن ەسكەرگەن ءجون», دەدى د.قايداروۆا.
ونىڭ ايتۋىنشا, شەشىم قابىلداردا قاۋىپتەر, پاتسيەنتتىڭ جاسى, جالپى جاعدايى, قانداعى لەيكوتسيت پەن نەيتروفيلدىڭ دەڭگەيى ەسكەرىلەدى. قازىر ۆاكتسينا ەكى رەت سالىناتىنىن ەسكەرە وتىرىپ, ونكولوگ ەمدەۋدى باستاۋ نەمەسە جالعاستىرۋ مەرزىمىنە قاراي شەشىم قابىلداۋى كەرەك. اسىرەسە بۇل ەندى ەم باستاعان ناۋقاستارعا قاتىستى. مۇندايدا ۆاكتسيناتسيانى تەك مرنق ۆاكتسينالارمەن جۇرگىزۋ كەرەك. حيرۋرگيالىق ەمدەۋگە جىبەرىلەتىن پاتسيەنتتەر وپەراتسياعا دەيىن نەمەسە ودان كەيىن ۆاكتسينالانادى. ۇلكەن ىسىگى بار پاتسيەنتتەر مامانداندىرىلعان ەم باستالعانعا دەيىن 2 اپتا بۇرىن (مۇمكىندىگىنشە) ۆاكتسينالانادى. تسيتوستاتيكالىق ەم قابىلدايتىن پاتسيەنتتەر قاجەت بولعان جاعدايدا ەم اياقتالعاننان كەيىن ۆاكتسينا سالدىرادى.
