كەڭەس بارىسىندا ەلوردادا كوروناۆيرۋستىق ينفەكتسيانىڭ تارالۋىنا جول بەرمەۋ, كۆي-گە قارسى ۆاكتسيناتسيا, سونداي-اق جوسپاردان تىس تەكسەرۋلەر جۇرگىزۋ ماسەلەلەرى تالقىلاندى.
ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆانىڭ ايتۋىنشا, قالادا كوروناۆيرۋستىق ينفەكتسيانىڭ تىركەلگەن جاعدايلارىنىڭ سانى كۇنىنە 70-تەن 143-كە دەيىنگى ارالىقتى قۇرايدى. سوڭعى اپتاداعى سىرقاتتانۋشىلىق دەڭگەيى الدىڭعى اپتامەن سالىستىرعاندا 9,9%-عا جوعارى.
«كوروناۆيرۋس ينفەكتسياسىن تىركەۋدىڭ نەگىزگى سەبەپتەرى تۇرعىنداردىڭ كارانتيندىك شارالاردى ساقتاماۋى بولىپ سانالادى, ياعني ادام كوپ جينالاتىن ورىندارعا بارۋ, بەتپەردە تاقپاۋ, پاتسيەنتتەرمەن جاقىن بايلانىستا بولعان ادامداردىڭ ءۇي كارانتينى رەجيمىن ساقتاماۋى», دەپ ءتۇسىندىردى ەلوردانىڭ سانيتارلىق دارىگەرى.
وقۋ جىلىنىڭ باسىنان باستاپ نۇر-سۇلتان قالاسى بويىنشا بارلىعى 89 مەكتەپ كارانتينگە جابىلدى. بۇگىندە 22 مەكتەپتە كارانتين جالعاسىپ جاتىر.
قازىرگى ۋاقىتتا قالادا كۇنىنە 12 955 زەرتتەۋ قۋاتى بار 24 زەرتحانا جۇمىس ىستەيدى. وندا تاۋلىگىنە ورتاشا ەسەپپەن 3500-دەن 6000-عا دەيىن زەرتتەۋ جۇرگىزىلەدى.
سونىمەن قاتار 12 ناۋرىزداعى جاعداي بويىنشا كۆي-عا قارسى ۆاكتسينانىڭ 1 كومپونەنتىمەن 5 256 ادام ەگىلدى, ونىڭ ىشىندە 3 281-ءى – مەديتسينا قىزمەتكەرى, 877-ءسى - پەداگوگ, 272-ءسى – تجم, قورعانىس مينيسترلىگى, ۇقك, ءىىم, قر مكق جانە ت.ب. قىزمەتىنىڭ ماماندارى, 2 كومپونەنت 1 901 مەديتسينا قىزمەتكەرىنە ەنگىزىلدى.
2021 جىلعى 1 قاڭتاردان باستاپ سانيتاريالىق-ەپيدەميولوگيالىق باقىلاۋ باسقارماسىنا بارلىعى 287 شۇعىل حابارلاما كەلىپ ءتۇستى, ولاردىڭ نەگىزىندە 280 جوسپاردان تىس تەكسەرۋ جۇرگىزىلدى, 60,5 ملن تەڭگەدەن استام سوماعا 261 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.
كەڭەس بارىسىندا ەلوردا «قىزىل ايماققا» ەنگەنىنە قاراماستان جەكە تۇلعالار مەن كاسىپكەرلىك سۋبەكتىلەرى باس مەملەكەتتىك سانيتارلىق دارىگەردىڭ بۇقارالىق ءىس-شارالاردى وتكىزۋگە تىيىم سالۋ تۋرالى قاۋلىسىنىڭ تالاپتارىن ساقتامايتىنى اتاپ ءوتىلدى.
جيىن سوڭىندا باقتيار ماكەن قالانىڭ قوعامدىق دەنساۋلىق ساقتاۋ باسقارماسىنا, سونداي-اق مۇددەلى مەملەكەتتىك ورگانداردىڭ بارىنە حالىقتى ەرىكتى تۇردە ۆاكتسيناتسيالاۋ بويىنشا كەڭ اۋقىمدى ءتۇسىندىرۋ جۇمىستارىن جۇرگىزۋدى تاپسىردى.
«ەپيدباقىلاۋ دەپارتامەنتىنە كوروناۆيرۋستىق ينفەكتسياعا قارسى ءىس-قيمىل بويىنشا باقىلاۋ جانە قاجەتتى شارالاردى ۋاقتىلى قابىلداۋ جونىندەگى ءىس-شارالاردى جالعاستىرۋدى تاپسىرامىن», دەپ تۇيىندەدى ەلوردا اكىمىنىڭ ورىنباسارى.
