جىل باسىنان بەرى بەينەباقىلاۋ كامەرالارىنىڭ كومەگىمەن 15 قىلمىس اشىلدى. بەينەباقىلاۋشىلار ازاماتتاردان كەلىپ تۇسكەن حابارلامالاردى قابىلداۋ جانە وڭدەۋ بارىسىندا بارلىق كۇدىكتى ارەكەتتەردى, ادامداردىڭ مىنەز-قۇلقىن جانە كامەراعا تۇسكەن كۇماندى ادامداردى جەدەل تەكسەرەدى.
وسى جىلدىڭ 6 ناۋرىزىندا كەزەكشىلىككە تۇسكەن جەدەل باسقارۋ ورتالىعىنىڭ ينسپەكتورى, پوليتسيا مايورى اينۇر ۋسمانوۆا تاڭعى ساعات 05:30 شاماسىندا بەينەكامەرامەن شولۋ بارىسىندا تۇنگى كلۋب الدىندا توبەلەس بولىپ جاتقاندىعىن بايقاپ, دەرەۋ پاترۋلدىك پوليتسيا ناريادىن جىبەرەدى.
سول جەردەن دەنە جاراقاتىن العان ءبىر ازامات دەرەۋ مەديتسينالىق مەكەمەگە جەتكىزىلگەن. وقيعا ورىندا كۇدىكتى ۇستالدى. كەيىن بۇزاقىنىڭ 24 جاستاعى قالا تۇرعىنى ەكەنى انىقتالىپ, قالالىق ۋاقىتشا ۇستاۋ يزولياتورىنا قامالدى. قازىرگى تاڭدا سوتقا دەيىنگى تەرگەۋ باستالدى.
ايتا كەتەيىك, جىل باسىنان بەرى بەينەباقىلاۋ كامەرالارىنىڭ كومەگىمەن 2426 اكىمشىلىك قۇقىق بۇزۋشىلىق, ونىڭ ىشىندە 1836 جول قوزعالىسى ەرەجەلەرىن بۇزۋ دەرەگى انىقتالعان.
