سىرتقى ساياسي ۆەدومستۆوسىنىڭ باسشىسى ەلشىنىڭ ەلدەر اراسىنداعى ساياسي ديالوگتى دامىتۋداعى, اسا جوعارى جانە جوعارى دەڭگەيدەگى بايلانىستاردىڭ وڭ ديناميكاسىن ساقتاۋداعى, ءۇندىستاننىڭ بىتىمگەرشىلىك باتالونى قۇرامىندا قازاقستاندىق اسكەري قىزمەتشىلەردى ليۆانعا جىبەرۋدەگى, ءۇندىستان ۇكىمەتىنىڭ COVID-19-عا قارسى كۇرەستە گۋمانيتارلىق كومەك كورسەتۋدەگى, اوسشك, شىۇ جانە قازاقستاننىڭ قاتىسۋىمەن باسقا دا كوپجاقتى قۇرىلىمدار شەڭبەرىندە نيۋ-دەليدىڭ قىزمەتىن جانداندىرۋداعى, سونداي-اق 2020 جىلدىڭ قورىتىندىسى بويىنشا رەكوردتىق كورسەتكىش 2,38 ملرد اقش دوللارىنا قول جەتكىزگەن ەكى ەل اراسىنداعى ەكونوميكالىق ىنتىماقتاستىق پەن تاۋار اينالىمىن كەڭەيتۋدە.
قازاقستان حالقىنا قوناقجايلىعى ءۇشىن جانە ەل باسشىلىعىنا مەملەكەتتەر اراسىنداعى ءوزارا ءتيىمدى ىنتىماقتاستىقتى جان-جاقتى دامىتۋعا ازىرلىگى ءۇشىن العىسىن ءبىلدىرىپ, ءۇندى ديپلومات نۇر-سۇلتان مەن نيۋ-دەلي اراسىنداعى ستراتەگيالىق سەرىكتەستىكتىڭ ودان ءارى تەرەڭدەي تۇسەتىندىگىنە سەنىمىن ءبىلدىردى.
كەزدەسۋ سوڭىندا م.تىلەۋبەردى ەلشىگە قازاقستان مەن ءۇندىستان اراسىنداعى ستراتەگيالىق سەرىكتەستىكتىڭ نىعايۋىنا قوسقان ەلەۋلى ۇلەسى ءۇشىن قازاقستان رەسپۋبليكاسى پرەزيدەنتىنىڭ العىسىن تابىس ەتىپ, وعان بولاشاقتا بار ساتتىلىكتەردى تىلەدى.
