باتىس قازاقستان وبلىستىق ەكونوميكالىق تەرگەۋ دەپارتامەنتى «WhatsApp» مەسسەندجەرىندە «SWEET MONEY» دەپ اتالاتىن قارجى پيراميداسىن ۇيىمداستىرۋ فاكتىسى بويىنشا قىلمىستىق ءىس كوتەرىپ, تەرگەۋ جۇمىسىن باستادى. قارجى پيراميداسىنا 70-تەن استام ادام تارتىلعانى انىقتالىپ وتىر. ولاردىڭ الدى الاياقتاردىڭ «قورىنا» – 5 مىڭ تەڭگە سالسا, الدى – 200 مىڭ تەڭگەگە دەيىن سالعان كورىنەدى.
«وسى وقيعا بويىنشا قازاقستان رەسپۋبليكاسىنىڭ قىلمىستىق كودەكسىنىڭ 217-بابى - الاياقتىق جولمەن قاراجاتتى يەلەنىپ الۋ فاكتىسى بويىنشا قىلمىستىق ءىس قوزعالدى. الاياقتار جوباعا قاتىسىپ, «Kaspi Gold» كارتوچكاسىنا اقشا سالعان سالىمشىلارعا 6 كۇن ىشىندە سالىم سوماسىن 50-70% وسىممەن قايتارىپ بەرۋگە ۋادە ەتكەن. ارينە, بۇل قاراجات جوباعا كەيىن قوسىلعانداردىڭ سالعان قارجىسى ەسەبىنەن الىناتىنى بەلگىلى. سوندىقتان الاياقتار بارىنشا كوپ ادامدى پيراميداعا تارتىپ, قوماقتى قاراجات جينالعان سوڭ اقشانى الىپ, جوعالىپ كەتەدى.
باتىس قازاقستان وبلىستىق ەكونوميكالىق تەرگەۋ دەپارتامەنتى «SWEET MONEY» زەرگەرلىك سالونىنىڭ وسىنداي الاياقتىق ارەكەتىنەن زارداپ شەككەندەر بولسا, دەپارتامەنتكە كەلىپ, شاعىمدانۋىن سۇراپ جاتىر.
