سەناتور مەملەكەت باسشىسى وتكەن جىلى ماماندىققا بايلانىستى مەملەكەتتىك ءبىلىم گرانتتارىنىڭ قۇنىن 1,3-2,7 ەسەگە كوتەرۋدى تاپسىرعانىن ەسكە سالدى. بۇل اقشا ماقساتتى تۇردە وقىتۋشىلار قۇرامىنىڭ جالاقىسىن كوتەرۋگە دە جۇمسالۋى كەرەك ەدى. الايدا بىرقاتار جوعارى وقۋ ورىندارىندا ۇستازدار جالاقىسى ءتيىستى تۇردە وسە قويعان جوق.
«سەبەبى ءبىزدىڭ جوعارى وقۋ ورىندارىنىڭ كوپشىلىگىندە بيۋدجەتتى جۇمساۋ ماسەلەلەرى وقىتۋشىلارمەن دە, عىلىمي كەڭەسپەن دە كەلىسىلمەيدى, تەك ولاردىڭ مەنەدجەرلەرى جەكە دارا شەشەدى. ۋنيۆەرسيتەتتەرگە اكادەميالىق ەركىندىك بەرە وتىرىپ, ءبىز ولاردىڭ ىسىنە سىرتتان ارالاسۋدى شەكتەپ, ولاردىڭ باسشىلىعىنا اۋقىمدى وكىلەتتىك بەرىپ قويدىق. بىراق وقىتۋشىلاردى باسقارۋ جۇيەسىنە, اتاپ ايتقاندا, دامىعان ەلدەردەگىدەي پروفەسسورلىق-وقىتۋشىلار قۇرامىنىڭ عىلىمي كەڭەستەرگە قاتىسۋىن, ديرەكتورلار كەڭەسىنە وكىلدىگىن قامتاماسىز ەتە المادىق», - دەدى اقىلبەك كۇرىشباەۆ.
