ۆيدەو الەۋمەتتىك جەلىگە تاراعان. وقيعا 11 ناۋرىز ساعات 6:30-دا برۋسيلوۆسكي كوشەسىندەگى «التىن بۇلاق» تۇرعىن ءۇي كەشەنىندەگى پاركينگتە بولعان.
ء«ورتتىڭ قايدان شىعىپ جاتقانىن ءورت سوندىرۋشىلەرى تەلەۆيزور ارقىلى تاپتى. ەكى كولىكتىڭ جانىپ جاتقانى جانە جانىنداعى باسقا اۆتوكولىكتەرگە دە قاۋىپ ءتونىپ تۇرعانى انىقتالعان», دەيدى تجد ماماندارى.
ءورت سوندىرۋشىلەردىڭ ايتۋىنشا, جەر استى پاركينگىندە گاز-تۇتىننەن قورعاۋ ءبولىمىنىڭ ەكى جاساعى جۇمىس ىستەگەن. ساعات 07:09-دا 6 شارشى مەتر اۋماقتى شارپىعان قىزىل جالىن اۋىزدىقتالدى.
«قاسىندا تۇرعان اۆتوكولىكتەر ورتتەن امان. ءورت بولعان جەرگە 5 تەحنيكا مەن جەكە قۇرامنان 18 ادام جۇمىلدىرىلدى. زارداپ شەككەندەر جوق», دەدى دەپارتامەنت ماماندارى.
الماتى تجد ءورتتىڭ اۆتوكولىكتى 2-3 مينۋتتا كۇلگە اينالدىراتىنىن ايتادى. سول سەبەپتى اۆتوكولىكتەردى ارنايى تەحنيكالىق قاراۋ ورتالىقتارىندا عانا ەلەكترقۇرىلعىمەن جابدىقتاۋ كەرەكتىگىن ايتادى. سونداي-اق كولىكتە ءورت ءسوندىرۋ باللونىنىڭ بولۋى شارت.
