«تاڭەرتەڭگىلىك قالانى ارالاۋ بارىسىندا بىرقاتار مەكتەپتىڭ قۇرىلىسىمەن تانىستىم. مىسالى, ەسىل اۋدانىندا ورنالاسقان مەكتەپ ( ۇلى دالا داڭعىلى مەن №39 كوشەنىڭ قيىلىسى) ەكى اۋىسىمدا 2400 وقۋشى ورنىن قۇرۋعا مۇمكىندىك بەرەدى. سونشاما ورىن الماتى اۋدانىنداعى مەكتەپتە قۇرىلادى», دەپ جازدى ا. كولگىنوۆ.
وسى ورايدا ول تەحنيكا مەن ادامداردى جۇمىلدىرۋدى تاپسىردى. وقۋ ورىندارىن بارلىق قاجەتتى جابدىقتارمەن قامتىپ, مەكتەپتەرگە كىرمە جولداردى ويلاستىرۋ, سونداي-اق مەكتەپ اۋماعىن اباتتاندىرۋ مەن كوگالداندىرۋعا ەرەكشە نازار اۋدارۋ قاجەتتىگىن اتاپ ءوتتى.
«ەكىنشى مەكتەپ بويىنشا دا ينجەنەرلىك جەلىلەرگە قوسىلۋ ماسەلەسىن شەشۋدى تاپسىردىم. بيىل بارلىعى 16 مەكتەپ سالۋدى جوسپارلاپ وتىرمىز. وقۋ ورىندارىن سالۋ كەزىندە ءىرى مەكتەپتەرگە كوشەمىز. وسى شارالاردىڭ ارقاسىندا بيىل عانا 40 مىڭنان استام وقۋشى ورنى قۇرىلادى. دەمەك, 2020 جىلمەن سالىستىرعاندا وقۋشى ورىندارىنىڭ سانى 2 ەسەدەن استام, ال 2019 جىلعا قاراعاندا 4 ەسە ۇلعايادى. مىسالى, وتكەن جىلى 11 مەكتەپ سالىندى», دەلىنگەن جازبادا.
ونىڭ ايتۋىنشا, مەكتەپتەردىڭ كوبەيۋى ءۇش اۋىسىممەن وقىتاتىن مەكتەپتەر سانىن 8-دەن 4-كە دەيىن, ال تىعىزدالعان رەجيمى بار مەكتەپتەر سانىن 22-دەن 14-كە دەيىن قىسقارتۋعا مۇمكىندىك بەردى.
«سونىمەن قاتار, بىرقاتار مەكتەپتەر جىلىتۋ قازاندىعىنان ورتالىققا اۋىستىرىلدى. بۇل جىل سايىن 100 ملن تەڭگەگە دەيىن قاراجات ۇنەمدەۋگە مۇمكىندىك بەرەدى. مەكتەپ قۇرىلىسىنا دا جەكە ينۆەستيتسيا تارتامىز. ينۆەستيتسيالىق كەڭەستەردە 30-دان استام جەكە مەنشىك مەكتەپتىڭ قۇرىلىسى قولداندى. سونىمەن قاتار, كەشەندى جوسپار اياسىندا 5 جىلدىق كەزەڭگە 50-گە جۋىق مەملەكەتتىك مەكتەپ سالۋ جوسپارلانعان. سونداي – اق, قولدانىستاعى وقۋ ورىندارىنا ءتيىستى نازار اۋدارۋ قاجەت-وتكەن جىلى 26 ءبىلىم بەرۋ نىسانى جوندەلدى. وسى جىلى دا جۇمىستار جۇيەلى دەڭگەيدە جالعاسا بەرمەك», دەپ جازدى اكىم.
