ايماقتار • 10 ناۋرىز، 2021

قاراعاندىدا ءۇي ورتەنىپ، ءبىر ادام قايتىس بولدى

1369 رەت كورسەتىلدى

قاراعاندى قالاسىندا كوپقاباتتى ءۇي ورتەنىپ، 1 ادام قايتىس بولدى. ماماندار 19 ادامدى ەۆاكۋاتسيالادى، دەپ حابارلايدى Egemen.kz

قالادا كۇزەمباەۆ كوشەسىندەگى 5 قاباتتى تۇرعىن ۇيدە ءورت شىققانى تۋرالى حابارلاما بۇگىن تۇنگى ساعات 03:26-دا تۇسكەن. 

ءورت ورنىنا جەتكەن ءورت ءسوندىرۋ بولىمشەلەرى كىرەبەرىستەگى قاتتى ءتۇتىندى بايقاعان. گاز-تۇتىننەن قورعاۋ قىزمەتىنىڭ ەكى توبى بارلاۋعا، پودەزد تۇرعىندارىن قۇتقارۋعا جانە ەۆاكۋاتسيالاۋعا باعىتتالدى. 

«قاتتى ءتۇتىننىڭ سالدارىنان 4-ءشى قاباتتا ورنالاسقان پاتەردەن ءوز بەتىنشە ەۆاكۋاتسيالانۋعا تىرىسقان اناسى مەن بالاسى تابىلدى. 1946 جىلى تۋعان ايەل ۋلى گازدان ۋلانىپ، جەدەل جاردەم كولىگىندە كوز جۇمدى»، دەپ ءمالىم ەتتى قاراعاندى وبلىستىق توتەنشە جاعدايلار دەپارتامەنتىنىڭ وكىلى.

ءورت ءسوندىرۋشى-قۇتقارۋشىلار اۆتوساتىنىڭ كومەگىمەن وسى كىرەبەرىستىڭ پاتەرلەرىنەن 4 ادام، ونىڭ ىشىندە 3 بالانى قۇتقاردى. سونداي-اق باسپالداق مارشى بويىنشا 15 ادام، ونىڭ ىشىندە 4 بالا ەۆاكۋاتسيالاندى. بەسىنشى قاباتتاعى پاتەردەن ەكى ادام اۋرۋحاناعا جاتقىزىلدى – انا مەن بالا ءيىس ءتيىپ ۋلانعان.  جالىن 1-ءشى قاباتتاعى باسپالداقتىڭ استىندا ورنالاسقان اعاش قويمادان شىققان.  ءورت سوندىرۋشىلەر جانىپ جاتقان قويمادان سىيىمدىلىعى 27 ليتر بوس گاز باللونىن الىپ شىقتى.  ءورتتىڭ جالپى اۋدانى 3 شارشى مەتردى قۇرادى.

وقيعا ورنىنا قاراعاندى وبلىسى تجد-ءنىڭ 12 ادامى مەن 3 تەحنيكاسى جۇمىلدىرىلدى. قابىلدانعان جەدەل شارالاردىڭ ارقاسىندا ءورت ساعات 03:49-دا ءسوندىرىلدى. الدىن الا بولجام بويىنشا ءورتتىڭ سەبەبى اشىق وت كوزى بولدى. 

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار