الەم • 10 ناۋرىز، 2021

دەپۋتات وزبەكستاننان قىرعىز مۇنايىنا اقى تولەۋدى تالاپ ەتتى

112 رەت كورسەتىلدى

دەپۋتات قىرعىزستان ۇكىمەتى وزبەكستاننان باتكەن وبلىسىندا ورنالاسقان سولتۇستىك سوح پەن چونگارا-گالچا گاز جانە مۇناي كەن ورىندارىن پايدالانعانى ءۇشىن تولەم تالاپ ەتۋى كەرەك دەپ ەسەپتەيدى. بۇل تۋرالى دەپۋتات بەيشەنالى نۋردينوۆ جوعارعى كەڭەستىڭ وتىن-ەنەرگەتيكالىق كەشەنى جانە جەر قويناۋىن پايدالانۋ كوميتەتىنىڭ وتىرىسىندا ايتتى، دەپ حابارلايدى Egemen.kz 24.kg سايتىنا سىلتەمە جاساپ.

ول كورشى ەلدىڭ قىرعىزستانداعى گاز جانە مۇناي كەن ورىندارىن 30 جىلدان بەرى پايدالانىپ كەلە جاتقانىنا اشۋلاندى. 

«قىرعىزستان يمپورتتالاتىن جانار-جاعارمايعا تاۋەلدى. ال ءبىزدىڭ كەن ورىنداردى كورشى ەلدەر پايدالانادى. نەلىكتەن بۇل قۇدىقتار وسى كۇنگە دەيىن قايتارىلعان جوق؟ وزبەكستان قىرعىزستان مۇنايىنا تولەسىن. اقشانى ەڭ بولماعاندا قۇبىردى پايدالانعانى ءۇشىن الىڭىز»، دەدى حالىق قالاۋلىسى مينيسترلەر كابينەتىنە قاراتا. 

ى

فۋگي توراعاسىنىڭ ورىنباسارى مەدەر ماشيەۆ بۇل كەن ورىندارىن پايدالانۋ ماسەلەسى شەكارانى دەليميتاتسيالاۋ جانە دەماركاتسيالاۋ جونىندەگى مەملەكەتتىك كوميسسيادا قارالىپ جاتقانىن اتاپ ءوتتى. 

«مەنىڭ بىلۋىمشە، قازىر گاز جوق، مۇناي از قالدى»، - دەدى مەدەر ماشيەۆ. 

ەستەرىڭىزگە سالا كەتەيىك، 2010 جىلدان باستاپ سولتۇستىك سوح جانە چونگارا-گالچا گاز جانە مۇناي كەن ورىندارىنىڭ تاعدىرى تۋرالى ماسەلە جوعارعى كەڭەستە بىرنەشە رەت كوتەرىلگەن بولاتىن. 2011 جىلى 13 مامىردا دەپۋتاتتار قاۋلىسىمەن وزبەكستانعا جانار-جاعارماي تاسىمالداۋعا تىيىم سالىپ، كاسىپورىنداردى «قىرعىزمۇنايگازدىڭ» قاراماعىنا بەرگەن بولاتىن.  

جيىندا دەپۋتات 10 جىل بۇرىن جوعارعى كەڭەستىڭ جۇمىسىن توقتاتۋ كەزىندە قىرعىز-وزبەك  اراسىنداعى كەن ورىندارى بار ايماقتار داۋسىز قىرعىز تەرريتورياسىندا ورنالاسقانىن ەسكە سالدى.

سوڭعى جاڭالىقتار

شىرقاۋ شىڭى شوقاننىڭ

رۋحانيات • بۇگىن، 22:10

ماەسترونىڭ شەبەرلىك ساباعى

تەاتر • بۇگىن، 22:08

Amazon قانداي مۇمكىندىك سىيلايدى؟

تەحنولوگيا • بۇگىن، 21:47

ۇقساس جاڭالىقتار