قارجى • 08 ناۋرىز، 2021

وپەك+ كۇتپەگەن شەشىم شىعاردى

64 رەت كورسەتىلدى

تەڭگەگە سىرتقى نارىقتاعى وقيعالار مەن سىرتقى فاكتورلاردىڭ ءتۇرلى باعىتتا اسەر ەتۋى تۋرالى ۇلتتىق بانكتىڭ مونەتارلىق وپەراتسيالار دەپارتامەنتى ديرەكتورى نۇرجان تۇرسىنحانوۆ ايتىپ بەرەدى، دەپ جازادى Egemen.kz.  

تەڭگە السىرەگەننەن كەيىن اپتانىڭ ورتاسىنا قاراي باعامنىڭ نىعايىپ، تۇراقتانا باستاعانى بايقالادى.   ۇلتتىق بانك  وكىلى ناقتىلاپ وتكەندەي، بۇگىنگى ساۋدا سەسسياسىندا تەڭگەنىڭ ازداپ نىعايۋى ءتۇرلى باعىتتاعى سەرپىندى كورسەتكەن سىرتقى ىرگەلى فاكتورلارمەن تىكەلەي بايلانىستى.

– ەڭ الدىمەن، تەڭگەنىڭ نىعايۋىنا مۇناي باعاسىنىڭ ءوسۋى اسەر ەتتى. Brent ەتالوندىق سۇرىپتى مۇناي باعاسىن بەلگىلەۋ بەيسەنبىنىڭ اشىلۋ باعاسىمەن سالىستىرعاندا، جۇما كۇنى تاڭەرتەڭ 5%-دان استام قوسىپ، بۇرىن قول جەتكىزىلگەن ەڭ جوعارى ماندەرگە قايتا ورالدى. مۇناي نارىعىندا قالىپتاسقان جاعدايعا ساۋىردە ءوندىرىس كولەمىن وزگەرىسسىز ساقتاۋ تۋرالى وپەك+ شىعارعان كۇتپەگەن شەشىم جونىندەگى جاڭالىقتار سەبەپ بولدى. سونىمەن قاتار، ساۋد ارابياسى ءوندىرىستى كۇنىنە 1 ملن باررەلگە ەرىكتى تۇردە قىسقارتۋدى ساقتاعىسى كەلەتىن نيەتىن جەتكىزدءى، –دەيدى ن. تۇرسىنحان.

وپەك+ مۇناي كارتەلىنىڭ مينيسترلىك كەزدەسۋى 4 ناۋرىز كۇنى، بەيسەنبىدە وتكەنىن ەستەرىڭىزگە سالا كەتەيىن. بۇعان دەيىن كەزدەسۋ قورىتىندىسى بويىنشا، ەلدەر ءوندىرۋدى كۇنىنە 0،5 ملن باررەلگە ارتتىرادى دەپ كۇتىلگەن بولاتىن.

ەكىنشى جاعىنان، كوپتەگەن ۆاليۋتالارعا قارسى اقش دوللارىنىڭ نىعايۋى بايقالدى. فرج جۇمىسپەن قامتۋ مەن ينفلياتسيادا ايتارلىقتاي ىلگەرىلەۋگە دەيىن ىنتالاندىرۋشى مونەتارلىق ساياساتتى ساقتاۋعا مىندەتتەمە بەرگەنىن مالىمدەگەنىمەن، دج. پاۋەلل ءوزىنىڭ Wall Street Journal-عا بەرگەن كەشەگى سۇحباتىندا جىل باسىنان بەرى وبليگاتسيالار كىرىستىلىگىنىڭ وسۋىنە اسا كوپ الاڭداۋشىلىق بىلدىرمەدى. فرج باسشىسىنىڭ سۇحباتى اقش مبق كىرىستىلىگىنىڭ وسۋىنە تاعى ءبىر سەرپىن بەردى. 10 جىلدىق قازىناشىلىق وبليگاتسيانىڭ كىرىستىلىگى 2020 جىلعى اقپاننىڭ ورتاسىنان باستاپ العاش رەت 1،57% دەڭگەيىنە جەتتى، بۇل Emerging markets تارتىمدىلىعىنىڭ تومەندەۋىنە اسەر ەتتى.

فرج باسشىسىنىڭ مالىمدەمەسى اقش دوللارىنىڭ الەمدىك ۆاليۋتالارعا، ونىڭ ىشىندە دامۋشى ەلدەردىڭ ۆاليۋتالارىنا قاتىستى نىعايۋىنا ىقپال ەتتى. وڭتۇستىك افريكا راندى بەيسەنبى كۇنى تاڭەرتەڭنەن باستاپ جۇما ارالىعىندا 1،5%-عا، برازيليا رەالى 0،9%-عا، مەكسيكا پەسوسى 0،8%-عا السىرەدى.

تەڭگەگە قىسىمنىڭ قوسىمشا فاكتورى – رەسەي ءرۋبلىنىڭ السىرەۋى بولدى، ول Bloomberg حابارلاماسى اياسىندا اقش پەن ۇلىبريتانيا حيميالىق قارۋدى پايدالانعانى ءۇشىن رەسەيگە قارسى قوسىمشا سانكتسيالار ەنگىزۋ مۇمكىندىگىن تالقىلايتىن دەرەككوزدەرگە سىلتەمە جاساي وتىرىپ، 0،7%-عا ارزاندادى. اقش سوڭعى شارا رەتىندە ەو-مەن بىرگە دەربەس بورىشقا سانكتسيالار ەنگىزۋ تۋرالى ماسەلەنى قاراستىراتىنى تۋرالى حابارلادى. رف وب دەرەكتەرى بويىنشا، شەتەلدىك ينۆەستورلار جالپى نارىقتىڭ 23،4%-ىن يەلەنە وتىرىپ، فەدەرالدىق بورىشتىڭ رۋبلدەگى وبليگاتسيالارىندا 42،8 ملرد دوللار ۇستايدى.

وسى وقيعالار اياسىندا 5 ناۋرىزدا اقش دوللارىنىڭ تەڭگەگە قارسى بيرجالىق ساۋدا-ساتتىعى ءبىر دوللار ءۇشىن 419،00 دەڭگەيىنە دەيىن ازداپ نىعايۋمەن اشىلدى.

ءتۇرلى باعىتتاعى سىرتقى فاكتورلاردىڭ اسەرىنەن ەركىن وزگەرمەلى ايىرباس ساياساتى اياسىندا تەڭگە باعامىنىڭ سەرپىنى سۇرانىس پەن ۇسىنىستىڭ اسەرىنەن قالىپتاسۋىن جالعاستىرىپ كەلەدى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار