ايماقتار • 08 ناۋرىز، 2021

تۇركىستاندا وبلىس باسشىلىعى جاس انالار مەن دارىگەرلەردى مەرەيلى مەرەكەمەن قۇتتىقتادى

26 رەت كورسەتىلدى

تۇركىستان وبلىسى اكىمى ومىرزاق شوكەەۆتىڭ تاپسىرماسىمەن  اكىمنءىڭ ورىنباسارى ارمان ءسابيتوۆ پەن قوعامدىق دەنساۋلىق باسقارماسىنىڭ باسشىسى مارات پاشيموۆ №1 وبلىستىق پەريناتالدىق ورتالىعىندا بولىپ،  جاس انالاردى جانە دارىگەرلەردى «8 ناۋرىز - حالىقارالىق ايەلدەر كۇنى» مەرەكەسىمەن قۇتتىقتادى، دەپ حابارلايدى Egemen.kz.

«انا – ءومىردىڭ گ ۇلى، تىرشىلىكتىڭ نۇرى، مەيىرىم مەن ىزگىلىكتىڭ جارشىسى. ايەل ءبۇتىن ءبىر شاڭىراقتىڭ شامشىراعى. ەندەشە مەرەيلى مەرەكەدە سىزدەرگە تەك شاتتىق پەن قۋانىش تىلەيمىز!ءاردايىم اقپەيىل دە قامقور، ادال دا، ۇلگىلى قالىپتارىڭىزدان اينىماي جۇرە بەرىڭىزدەر»، دەپ جىلى لەبىزىن ءبىلدىردى ارمان ءسابيتوۆ.

بۇگىندە پەريناتالدىق ورتالىقتا 656 مامان جۇمىس ىستەيدى. ونىڭ 609-ى نازىك جاندىلار. ولاردىڭ قاتارىندا دارىگەرلەر مەن مەديتسينا عىلىمدارىنىڭ كانديداتتارى جانە دەنساۋلىق ساقتاۋ سالاسىنىڭ  ۇزدىكتەرى بار. «سىزدەر مەرەكە كۇندەرىندە دە جۇمىس ىستەپ، جاڭا تۋعان جاس ءسابيدىڭ ۇنىمەن بالالى بولعان وتباسىلاردىڭ قۋانىشىنا سەبەپكەرسىزدەر. شىن جۇرەكتەن قولداۋ كورسەتكەندەرىڭىز ءۇشىن جانە ناۋقاستارعا كۇن سايىن كورسەتەتىن قاجىرلى قىزمەتتەرىڭىز ءۇشىن العىسىم شەكسىز!»، دەپ   قوعامدىق دەنساۋلىق باسقارماسىنىڭ باسشىسى مارات پاشيموۆ نازىك جاندىلاردىڭ ەسەلى ەڭبەكتەرىنە تىلەۋلەستىك ءبىلدىردى.

تۇركىستان وبلىسىندا  جىل باسىنان بەرى 10 مىڭنان استام ءسابي دۇنيەگە كەلگەن. وبلىستىق پەريناتالدىق ورتالىق  زاماناۋي جابدىقتارمەن جابدىقتالعان. ياعني ورتالىقتا جاسالعان جاعدايلار وڭىردەگى جۇزدەگەن نارەستەنىڭ ءومىرىن ساقتاپ قالۋعا جانە ايەلدەرگە  انا بولۋ باقىتىن سىيلاۋعا سەپتىگىن تيگىزۋدە

سوڭعى جاڭالىقتار

ۇقساس جاڭالىقتار