ايماقتار • 08 ناۋرىز، 2021

تۇركىستان وبلىسىندا مەرەكە قارساڭىندا ۇشەم دۇنيەگە كەلدى

184 رەت كورسەتىلدى

تۇركىستان وبلىسى سارىاعاش اۋدانىنىڭ 34 جاستاعى تۇرعىنى لاۋرا تۇراربەكوۆا 8 ناۋرىز حالىقارالىق ايەلدەر مەرەكەسى قارساڭىندا ءۇش قىز بوساندى. بۇگىندە نارەستەلەر №1 وبلىستىق پەريناتالدىق ورتالىعىنداعى دارىگەرلەردىڭ باقىلاۋىندا.

«ءۇيدە تاعى ەكى ۇل مەن ەكى قىزىم اسىعا كۇتۋدە. مەرەكە قارساڭىندا بوساندىم. وسى ورايدا، ايەلدەر قاۋىمىن مەرەيلى مەرەكەمەن شىن جۇرەكتەن قۇتتىقتايمىن! دارىگەرلەرگە مىڭ العىس!»، دەيدى كوپبالالى انا.  جاڭا تۋعان سابيلەرگە جانيا، رابيا، سانيا ەسىمدەرى بەرىلدى.

انانىڭ دارىگەرلەرگە شەكسىز العىسىن ءبىلدىرۋىنىڭ وزىندىك سەبەبى دە جوق ەمەس. جەتى جارىم ايلىق بولىپ ومىرگە كەلگەن شاقالاقتاردىڭ وكپەءسى دۇرىس دامىماي، جاساندى تىنىس الۋ اپپاراتىنا قوسىلعان. اق حالاتتىلاردىڭ بىلىكتىلىگى مەن كۇتىمىنىڭ ارقاسىندا شالا تۋعان نارەستەلەر امان قالىپ، انالارى ولاردى باۋىرىنا باسا الدى.

ايتا كەتەلىك، جىل باسىنان بەرى ورتالىقتا 1571 بالا دۇنيە ەسىگىن اشقان. ولاردىڭ  38-ءى ەگىز بولسا، ەكەۋى ۇشەم. 

سوڭعى جاڭالىقتار

ۇقساس جاڭالىقتار