ايماقتار • 06 ناۋرىز، 2021

«قايرات» – قولا جۇلدەگەر

7 رەت كورسەتىلدى

«Turkistan Arena» ستاديونىندا فۋتبولدان OLIMPBET-قازاقستان چەمپيوناتى سۋپەركۋبوك ويىندارىنىڭ جۇلدەلى ورنى  ءۇشىن كەزەكتى ماتچ ءوتتى. الماتىنىڭ «قايرات» كومانداسى مەن قاراعاندىنىڭ «شاحتەر» فۋتبولشىلارى ءۇشىنشى ورىن ءۇشىن كۇش سىناستى.

تارتىستى وتكەن ويىننىڭ ءبىرىنشى تايمىندا ەكى كوماندا الما - كەزەك شابۋىل جاساعانمەن ەسەپ اشىلمادى. تەك ويىننىڭ ەكىنشى كەزەڭىندە دəلىرەگى، 52-مينۋتتا «شاحتەردىڭ» تəجىريبەلى ويىنشىسى   پايرۋز جان الي «قايرات» قورعاۋشىلارىنىڭ قاتەلىگىن ۇتىمدى پايدالانىپ، قاقپاعا  دوپتى تۋلاتتى. ەسەپ: 0:1.  مۇنان سوڭ «قايرات» كومانداسىنىڭ شابۋىلشىلارى ويىن تاكتيكاسىن كۇشەيتتى. نəتيجەسىندە، ويىننىڭ 64-مينۋتىندا  دەنيس پولياكوۆ  ەسەپتى تەڭەستىردى. كوپ ۇزاماي الاڭدا  ءسəتتى شابۋىلدار ۇيىمداستىرا العان  «قايرات» ويىنشىلارى ەسەپتى ەسەلەدى. ويىننىڭ 88-مينۋتىندا «قايراتتىڭ» برازيليالىق ويىنشىسى ۆاگنەر لاۆ  وڭتايلى ءسəتتى پايدالانىپ، كوماندالاسىنا كەرەمەت پاس شىعارىپ بەردى. مۇنداي مۇمكىندىكتى ءمۇلت جىبەرمەگەن شترەلي مامبا  جەڭىس گولىن سوقتى. وسى ەسەپتى ويىن سوڭىنا دەيىن ساقتاپ قالعان  «قايراتتىقتار» فۋتبولدان قازاقستان رەسپۋبليكاسىنىڭ  سۋپەركۋبوك ويىندارىنىڭ قولا جۇلدەگەرى اتاندى.

 الماتىلىق فۋتبولشىلاردى  تۇركىستان وبلىسى اكىمىنىڭ ورىنباسارى ساكەن قالقامانوۆ، قازاقستان فۋتبول فەدەراتسياسىنىڭ باس حاتشىسى ازامات ايتقوجين مەن قازاقستان كاسىپقوي فۋتبول ليگاسىنىڭ پرەزيدەنتى ولجاس ابراەۆ  جەڭىستەرىمەن قۇتتىقتاپ، قولا مەدالدى تابىس ەتتى.

 

 

تۇركىستان وبلىسى

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار