ءىس باسىنداعى توراعانى قولداۋ

جاقىندا يسپانيا سىرتقى ىستەر مينيسترلىگى قىرعىزستانداعى وقي­عالارعا بايلانىستى رەسمي ما­د­ريد­تىڭ كوزقاراسىن بىلدىرەتىن ءباسپاسوز كومميۋنيكەسىن جاريا­لا­دى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ باس­پا­سوز قىزمەتى. وندا بىلاي دەلىنەدى: “يسپانيا ۇكىمەتى قىرعىزستان­نىڭ بۇرىنعى پرەزيدەنتى قۇرمان­بەك باكيەۆتىڭ ەل اۋماعىن تاستاپ شى­عۋعا مۇمكىندىك بەرەتىن كەلىسىمدى قا­پەرگە الادى. مۇندا وزگە دە سال­ماق­تى حالىقارالىق ويىنشى­لار­دان بولەك, ەقىۇ-نىڭ ءىس باسىن­داعى توراعاسى ۋاقىتشا ۇكىمەتپەن جانە ەكس-پرەزيدەنت باكيەۆپەن اراداعى كەلىسىمگە قول جەتكىزۋ شەڭبەرىندەگى كەلىسسوزدەر اياسىندا شەشۋشى ءرول اتقاردى. يسپانيا ۇكىمەتى ەكس-پرەزيدەنتتىڭ ەلدەن كەتۋى قىرعىزستانداعى ساياسي ءومىردى قالىپتى دەڭگەيگە تۇسىرۋگە ىقپال ەتەتىن بولادى دەپ ۇمىتتەنەدى”. يسپانيا ۇكىمەتى ەقىۇ ءىس با­سىن­داعى توراعاسىنىڭ قىرعىز­ستان­داعى جانجالدى رەتتەۋ بويىنشا كۇش-جىگەرىنە قولداۋ كورسەتە وتى­رىپ, ق.ساۋداباەۆتىڭ وسى ەلگە رەس­مي ساپارى قىرعىزستانداعى ساياسي جاعدايدى قالىپقا تۇسىرۋگە كەپىلدىك بەرۋ ماقساتىندا نەگىزگى ساياسي كۇشتەردىڭ قاتىسۋىمەن بىتىمگەر­شىلىك جانە ۇلتتىق ۇنقاتىسۋ ۇدە­رىستەرىن ىلگەرى جىلجىتۋعا ءوزىنىڭ سەنىمىن بىلدىرەتىنىن دە اتاپ ايتادى. بۇل ءوز كەزەگىندە بەلگىلەنگەن مەر­زىمدە سايلاۋ وتكىزۋ جولىمەن ەلگە قالىپتى دەموكراتيالىق احۋال­دى قايتا ورالتۋعا مۇمكىندىك بەرەر ەدى. ءباسپاسوز كومميۋنيكەسىندە قىرعىز رەسپۋبليكاسى بۇل مىندەتتى جۇزەگە اسىرۋدا يسپانيانىڭ قولداۋىنا ءۇمىت ارتا الاتىنى دا كولدەنەڭ تار­تىلادى. ەلدىكتىڭ ۇلكەن ۇلگىسى قازاقستان پرەزيدەنتى نۇر­سۇلتان نازارباەۆتىڭ اتىنا قازاقستان قىرعىزدارىنىڭ اتىنان ش.يس­ماي­لوۆ حات جولداپتى. ول ءوزىنىڭ حاتىندا بىلاي دەيدى: بىزدەر, قازاقستاندا تۇراتىن قىر­عىزدار قىرعىز رەسپۋبليكا­سىن­دا بولعان جاعدايدى كۇيزەلە دە, قينالا دا قابىلدادىق. “تورتەۋ تۇگەل بولسا, توبەدەگى كەلەدى. التاۋ الا بولسا, اۋىزداعى كەتەدى” دەگەن دانالار ءسوزى راستالدى. ەجەلدەن بەلگىلى, تاريح دالەل­دە­گەن  جايلار بار: قاشاندا, قاي ىستە بولسىن حانى مەن حالقى ءبىر بولىپ, تۇتاستىق قۇرعاندا مەملەكەت نى­عايىپ, ەل ىرىسى تاسادى. ال حالقى قولداماي, حانى حالقىن قورعاماي, وزىمشىلدىك وكتەمدىك الىپ, ءوزارا تالاس-تارتىسقا تۇسكەندە مەملەكەت السىرەپ, ەل ىرىسى قاشادى. كەشەگى قاندى قىرعىن, جاس­تاي­ى­نان قيىلعان ومىرلەر, اڭىراعان انالاردىڭ زارى, جەتىمدەردىڭ كوز جاسى كىمگە پايدا اكەلدى؟ ەندى جان­عا تۇسكەن جاراقاتتى, جارالانعان جۇرەك پەن زەردەنى جازۋ قانداي قيىن دەسەڭىزشى. قىرعىز ەلىنىڭ باسىنا تۇسكەن قاسىرەت  ءسىزدىڭ قاراپايىم دا تەرەڭ ويلارىڭىزدى تاعى ءبىر تۇيسىكتەۋگە مۇمكىندىك بەردى. “ەل تۋرالى جا­دا­عاي ويلاۋ, حالىقتىڭ تاعدىرىمەن ويناۋ – ءتۇبى جاقسىلىققا اپارماي­دى. ەلى مۇراتقا جەتپەي, ەرى مۇرات­قا جەتۋشى مە ەدى؟ سوندىقتان ەل­دىكتىڭ قامىن ەڭ الدىمەن ويلاماي بولمايدى”, دەگەن سوزدەرىڭىز بەن اتقارىپ جاتقان ىستەرىڭىز بۇگىنگى قازاقستان حالقىنىڭ بەيبىت ءومى­رى­نىڭ نەگىزىن قۇراپ وتىر. 130-دان استام ۇلت پەن ۇلىستىڭ باسىن قو­سىپ, ولاردىڭ  ءوزارا تاتۋ-ءتاتتى ءومىر سۇرۋىنە جاعداي جاساپ, ۇلكەنى مەن كىشىسىن بولە-جارماي  باسقارۋ –  مىقتى ۇلتتىق ءدىلى مەن  الەم ۇلا­عا­تىن بويىنا سىڭىرگەن ادامنىڭ عانا قولىنان كەلەتىن ءىس. ءسىزدىڭ “ەلدىك تە ەرلىك سياقتى سىن ساعاتتا تانىلادى”, دەگەن ءسو­زى­ڭىزدى ەندى تۇسىندىك.  بۇگىنگى تاڭ­دا­عى  قىرعىزستاننىڭ  قايعى-قا­سى­رەتىن بىردەي ءبولىسىپ, كورشى ەلدىڭ  حالقىنا بەيبىت ءومىر ورنالاستىرۋعا بار كۇشىڭىزدى سالىپ جاتقانىڭىزعا مىڭ دا ءبىر راحمەت.  ەڭسەسى تۇسكەن ەلدىڭ ەسىن جيعىزىپ, جاپا شەككەن, زار جىلاعان حالىقتىڭ كوز جاسىن تىيعىزۋ  ەلدىكتىڭ ەڭ ۇلكەن ۇلگىسى. ازاماتىنان ايرىلعان ارعىماققا قايتادان ەر سالدىرۋ, تۇتاستىق تۋىن قولعا قايتادان الدىرۋ – ەرلىكتىڭ ۇلگىسى. ءبىز بۇگىنگى بەيبىت تىرلىگىمىز ءۇشىن, قازاقستان دەپ اتالاتىن مەملەكەتتىڭ جەر بەتىندە بارلىعى ءۇشىن, وسى ەلدى باسقاراتىن ءسىز سياقتى ازامات بار ەكەندىگى  ءۇشىن اللاعا ءمىناجات ەتەمىز. قازاقستان قىرعىزدارى اتىنان: قازاقستان حالقى اسسامبلەياسىنىڭ مۇشەسى,  “قىرعىزستان-استانا” قوعامدىق بىرلەستىگىنىڭ باسشىسى ش.ا.يسمايلوۆ.