ايماقتار • 04 ناۋرىز، 2021

تۇركىستان وبلىسىندا 30 ملن دانا تال ەگىلەدى

10 رەت كورسەتىلدى

پرەزيدەنت قاسىم-جومارت توقاەۆ قازاقستان حالقىنا جولداۋىندا ەل اۋماعىندا ەكولوگيالىق احۋالدى جاقسارتۋ ءۇشىن 2 ملرد اعاش كوشەتتەرىن وتىرعىزۋ قاجەتتىگىن ايتقان بولاتىن. وسىعان وراي بيىل تۇركىستان وبلىسىندا 30 ملن دانا تال ەگىلەدى دەپ جوسپارلانىپ وتىر. سونداي-اق وبلىس ورتالىعى تۇركىستان قالاسى اينالىسىنا 20 مىڭ گەكتار اۋماققا جاسىل بەلدەۋ قالىپتاساتىن بولادى. قازىرگى تاڭدا ونىڭ 7 700 گەكتارى اياقتالعان.

بۇل تۋرالى وبلىستىق تابيعي رەسۋرستار جانە تابيعات رەتتەۋدى پايدالانۋ باسقارماسىنىڭ باسشىسى قايرات ابدۋاليەۆ ءمالىم ەتتءى. «وبلىستا 3 ملن 131 مىڭ گەكتار ورمان قورى جەرلەرى بار. وتكەنجىلى ورماندى مولايتۋ شارالارى بويىنشا 11 610 گەكتار جەرگە مادەني ورمان ەكپەلەرىن جۇرگىزۋ جوسپارلانىپ، تولىعىمەن ورىندالدى. تۇركىستان قالاسىنداعى جاسىل بەلدەۋ اۋماعىنا «قازاتومپروم» اق-مەن قوسىمشا 3664،5 گەكتار جاپىراقتى جانە سەكسەۋىل كوشەتتەرى مەن تۇقىمى ەگىلدى. سونداي-اق، ورمان تۇقىمباقتارىنىڭ كولەمى ەكى ەسەگە ۇلعايىپ، وندا ءار جىلى 35-40 ملن ءتۇرلى اعاش كوشەتتەرىن وسىرۋگە قول جەتكىزىلەدى»، دەدى باسقارما باسشىسى.

عاسىر باسىندا، ياعني 2000 جىلى ەلباسى ن.نازارباەۆ سىيعا تارتقان 8 بۇحار بۇعىلارى سىرداريا وزەنى بويىندا قۇرىلعان ارنايى تۇقىمباققا جىبەرىلگەن بولاتىن. بۇگىندە بۇعىلار سانى 176 باسقا جەتىپ وتىر. سونىمەن قاتار، «سوزاق ورمان جانە جانۋارلار الەمىن قورعاۋ جونىندەگى»كمم-نە قاراستى جابايى جانۋارلاردى قايتا قونىستاندىرۋعا ارنالعان 200 گەكتار تۇقىمباققا الماتى وبلىسىنان قۇلان جانە قاراقۇيرىق اڭدارىن جەتكىزۋ بويىنشا كەلىسسوز جۇمىستارى جۇرگىزىلۋدە. براكونەرلىكتىڭ الدىن الۋ ماقساتىندا وتكەن جىلى ورمان كۇزەتى قىزمەتكەرلەرىمەن 1 076 رەيدتىك ءىس-شارا ۇيىمداستىرىلىپ، 344 زاڭ بۇزۋشىلىق فاكتىلەرى انىقتالعان. ناتيجەسىندە 2 ملن 786 مىڭ تەڭگە اكىمشىلىك ايىپپۇل سالىنىپ، ونىڭ 2 ملن 580 مىڭ تەڭگەسى وندىرىلگەن.

سونداي-اق باسقارما باسشىسى وبلىس اۋماعىندا 158 قاتتى تۇرمىستىق قالدىقتار تاستايتىن پوليگون ورىندارى بەلگىلەنگەنءىن ايتىپ ءوتتى. بىلتىر جالپى 122 771 توننا قالدىق جيناقتالىپ، ونىڭ 15 962 تونناسى قايتا وڭدەۋگە باعىتتالعان. عارىشتان ءتۇسىرۋ ناتيجەسىندە، وبلىس اۋماعىندا 265 بەي-بەرەكەت قوقىس ورىندارى انىقتالىپ، 252 نۇكتەگە تازالاۋ جۇمىستارى جۇرگىزىلگەن.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار