«3 ناۋرىزدا وسكەمەن قالاسىنىڭ «ارمان» بالاباقشاسىنىڭ تاربيەلەنۋشىلەرىنىڭ ءبىرىنىڭ اتا-اناسى شىعىس قازاقستان وبلىسىنىڭ ءبىلىم باسقارماسىنا «ارمان» بالاباقشاسىنىڭ قىزمەتكەرلەرىنىڭ, اتاپ ايتقاندا «ەركەتاي» توبىنىڭ تاربيەشىسى تاراپىنان كامەلەتكە تولماعان بالاعا قاتال قاراۋى جانە تاربيەلەۋ جونىندەگى وزىنە جۇكتەلگەن مىندەتتەرىن ءتيىستى دارەجەدە ورىنداماۋى تۋرالى ارىزبەن جۇگىندى. قر قك 140-بابى 2-بولىگى «كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماۋ» بويىنشا سوتقا دەيىنگى تەرگەۋ باستالدى. قازىرگى ۋاقىتتا تەرگەپ-تەكسەرۋ جۇرگىزىلۋدە. ساراپتاما تاعايىندالدى», دەلىنگەن اكىمدىك حابارلاماسىندا.
اكىمدىك تاراتقان مالىمەتكە سايكەس, بۇگىنگى تاڭدا بالاباقشا ديرەكتورى مەن تاربيەشىسى قر ەڭبەك كودەكسىنىڭ 52-بابى اياسىندا قىزمەتتەرىنەن بوساتىلعان. بۇگىن شقو ءبىلىم باسقارماسىنىڭ باسشىلىعى بالاباقشانىڭ اتا-انالارىمەن كەزدەسۋ وتكىزەدى. سونداي-اق, قالانىڭ ۇزدىك پسيحولوگتارى بالالارمەن جۇمىس ىستەۋگە تارتىلادى. ماسەلە وبلىس باسشىلىعىنىڭ باقىلاۋىندا.
