ءبىلىم • 04 ناۋرىز، 2021

الماتىدا اعىلشىن تىلىنەن وتكەن ءبىلىم سايىسى مارەگە جەتتى

10 رەت كورسەتىلدى

الماتىداعى قىزدار ۋنيۆەرسيتەتى ستۋدەنتتەرىنىڭ عىلىمي الەۋەتىن دامىتىپ، ءبىلىم الۋشىلاردىڭ تانىمدىق جانە شىعارماشىلىق قارىم-قابىلەتىن ارتتىرۋ ماقساتىنداعى «Smart future» اتتى ءبىلىم سايىسى مارەگە جەتتى، دەپ حابارلايدى Egemen.kz.

تاريح جانە شەتەل تىلدەرى ينستيتۋتىنىڭ ۇيىمداستىرۋىمەن وتكەن وليمپيادا اعىلشىن ءتىلى ءپانى بويىنشا جۇرگىزىلدى.

ونلاين رەجىمدەگى وليمپيادانىڭ اشىلۋ راسىمىندە ينستيتۋت ديرەكتورى جامال اشىربەكوۆا مەن پراكتيكالىق شەتەل ءتىلى كافەدراسىنىڭ مەڭگەرۋشىسى باكيزا پازيلوۆا قاتىسۋشىلارعا ساتتىلىك تىلەپ، سايىستىڭ ءمانى مەن ماڭىزى تۋراسىندا اڭگىمەلەدى.

وليمپيادا ەكى كەزەڭنەن تۇردى. العاشقى ىرىكتەۋ كەزەڭىندە قاتىسۋشىلار لەكسيكا-گرامماتيكالىق تەست تاپسىرمالارىمەن، اۋديو ماتىنمەن جانە بەينە ماتەريالمەن جۇمىس ىستەدى. العاشقى كەزەڭنەن 80% ناتيجە كورسەتكەندەر ەكىنشى كەزەڭدە ارنايى ۇياشىقتاردا جاسىرىلعان سۇراقتارعا جاۋاپ بەرىپ، بىلىمدەرى مەن بىلىكتىلىكتەرىن جان-جاقتى دالەلدەدى.

سايىس بارىسىندا قىزدار ۋنيۆەرسيتەتىنىڭ 1-كۋرس ستۋدەنتتەرى مەن №1 الماتى قازاق مەملەكەتتىك گۋمانيتارلىق پەداگوگيكالىق كوللەدجىنىڭ بىلىمگەرلەرى ءوزارا باپتارى مەن باقتارىن سىناستى.

– وليمپيادانىڭ ءبىرىنشى كۇنى ستۋدەنتتەر coreapp.ai پلاتفورماسىندا لەكسيكا-گرامماتيكالىق تەست، تىڭدالىم جانە وقىلىم داعدىلارى بويىنشا تاپسىرمالاردى ورىندادى. وعان 87 ستۋدەنت قاتىستى. ىرىكتەۋ بويىنشا 21 ستۋدەنت ەكىنشى كەزەڭگە جولداما الدى، – دەيدى وليمپيادا ۇيىمداستىرۋشىلارى.

ەكى كۇنگە سوزىلعان ءبىلىم جارىسىنىڭ قورىتىندىسى بويىنشا ءبىرىنشى ورىنعا «مۋزىكا» ماماندىعىنىڭ ستۋدەنتى مينۋارا نيلديباەۆا لايىق دەپ تانىلدى. جەڭىمپازعا ۋنيۆەرسيتەتتىڭ «تىلدەر ورتالىعىنا» ءبىر ايلىق تەگىن اعىلشىن ءتىلى كۋرسىنا جولداما بەرىلدى. ەكىنشى ورىندى «ورىس تىلىندە وقىتپايتىن مەكتەپتەردەگى ورىس ءتىلى مەن ادەبيەتى» ماماندىعىنىڭ ستۋدەنتى جاننا ماقساتقىزى مەن №1 الماتى قازاق مەملەكەتتىك گۋمانيتارلىق پەداگوگيكالىق كوللەدجىنىڭ بىلىمگەرى السۋ تۋحۆاتۋللينا ءوزارا ءبولىستى.

ال ءۇشىنشى ورىن «كىتاپحانا ءىسى» ماماندىعىنىڭ ستۋدەنتى كاميل گاليمبەكوۆا، «ينفورماتيكا جانە روبوتوتەحنيكا» ماماندىعىنىڭ ستۋدەنتى اياجان ارايلىم، «قازاق ءتىلى مەن ادەبيەتى» ماماندىعىنىڭ ستۋدەنتى انيا قاليجانقىزىنا بۇيىردى. وزگە قاتىسۋشىلار «العىس حاتپەن» ماراپاتتالدى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۆاكتسينالاۋعا سەنىم ارتىپ كەلەدى

مەديتسينا • بۇگىن، 08:30

...ىشكى دايىندىعىم پىسپەي جاتىر

ادەبيەت • بۇگىن، 08:27

مۋزىكالى مامىر

تەاتر • بۇگىن، 08:25

قايتپاس 1 قاراڭعىلىق قۇشاعىندا

ايماقتار • بۇگىن، 08:23

بولاشاقتى بەينەلەيتىن NUR ALEM

قازاقستان • بۇگىن، 08:05

«اللا» دەگەن جازۋى بار جۇمىرتقا

رۋحانيات • بۇگىن، 08:01

وڭىرلەردە كەزدەسۋلەر وتكىزدى

پارلامەنت • بۇگىن، 07:55

ۇقساس جاڭالىقتار