ايماقتار • 04 ناۋرىز، 2021

تۇركىستان وبلىسىنىڭ ءبىلىم بەرۋ سالاسىندا 29 قىلمىستىق قۇقىق بۇزۋشىلىق دەرەكتەرى تىركەلگەن

98 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىمەن وتكەن جىلى ءبىلىم بەرۋ سالاسىندا 29 قىلمىستىق قۇقىق بۇزۋشىلىق دەرەكتەرى تىركەلگەن.  ءبۇل سالادا  بۇگىندە سىبايلاس جەمقورلىق كورىنىستەرى ءجيى كەزدەسەدى.

وسىعان وراي، ءبىلىم بەرۋ وردالارىندا تۋىندايتىن بارماق باستى، كوز قىستى ارەكەتتەردىڭ دەڭگەيىن تومەندەتۋ جانە سىبايلاس جەمقورلىق قۇقىقبۇزۋشىلىقتارىنىڭ الدىن الۋ ماقساتىندا دەپارتامەنت باستاماسىمەن وبلىسقا قاراستى ءبىلىم بەرۋ ۇيىمدارىنىڭ باسشىلارىمەن  كەزدەسۋ وتكىزىلدى. القالى جيىنعا دەپارتامەنت باسشىسىنىڭ ءبىرىنشى ورىنباسارى ميراس قارعاباي،  وبلىستىق ادامي الەۋەتتى دامىتۋ باسقارماسىنىڭ باسشىسى راقىمبەك جولاەۆ جانە اۋدان، قالالىق ءبىلىم بولىمدەرىنىڭ باسشىلارى قاتىستى. جيىندا ءسوز العان ميراس قارعاباي وڭىردە الدىن الۋ جۇمىستارىنىڭ جۇيەلى تۇردە جۇرگىزىلىپ جاتقاندىعىنا قاراماستان، ءبىلىم بولىمدەرى وبلىستىق باسقارمانىڭ قاراماعىنا وتۋىنە بايلانىستى قۇجاتتاردى راسىمدەۋگە، انتيسەپتيك الۋعا، وليمپيادادان جۇلدەلى ورىنداردى ساراپقا سالۋدا، اتتەستاتتاۋدان وتكىزۋگە، جۇرگىزىلەتىن تەكسەرۋلەردە مۇعالىمدەردەن جۇيەلى تۇردە قارجى جيناۋ دەرەكتەرى جانە كادر ماسەلەسىن شەشۋ، سەرتيفيكات پەن ديپلوم بەرۋ، مەملەكەتتىك باعدارلامالارعا قاراستىرىلعان قارجىنى تالان-تاراجعا سالۋ، مەملەكەتتىك ساتىپ الۋدى وتكىزۋ بارىسىندا دا جەمقورلىق كورىنىستەرى ءجيى ورىن الىپ جاتقاندىعىن  جەتكىزدى.

سوعان سايكەس، دەپارتامەنتتىڭ باستاماسىمەن قالا، اۋداندىق ءبىلىم بولىمدەرىنىڭ باسشىلارىنا ءتۇرلى ءىس-شارالارعا ءماجبۇرلى تۇردە قاراجات جيناۋعا تيىم سالۋ، وزدەرىنە ءمالىم بولعان سىبايلاس جەمقورلىق ارەكەتتەردى ءتيىستى ورگاندارعا حابارلاۋعا مىندەتتەلۋ جانە بارلىق نىسانداعى ءبىلىم بەرۋ ۇيىمدارىنىڭ كىتاپتار پەن بيلەتتەر ساتۋعا، وقۋ ورنىنىڭ قاجەتتىلىكتەرى ءۇشىن زاڭسىز اقشا جيناۋعا جول بەرمەۋ ءۇشىن باسقارما باسشىسى ر.جولاەۆتىڭ قول قويۋىمەن «سىبايلاس جەمقورلىققا قارسى ءىس-قيمىل شارالارىن كۇشەيتۋ جانە جاۋاپتى تۇلعالاردى بەلگىلەۋ تۋرالى» بۇيرىق زاڭدى كۇشىنە ەنگەندىگى  اتاپ ءوتىلدى.  جەمقورلىقتىڭ الدىن الۋ قارقىنىن ارتتىرۋ ماقساتىندا  دەپارتامەنت پەن باسقارما بىرلەسە وتىرىپ،  الداعى ۋاقىتتا سىبايلاس جەمقورلىق تاۋەكەلدەرىنە سىرتقى تالداۋ جۇمىستارىن  جۇرگىزەدى جانە بەلگىلى ءبىر مەرزىمگە قۇرىلعان ناقتى جوسپاردىڭ اياسىندا  اۋقىمدى شارالار اتقارىلادى.

سوڭعى جاڭالىقتار

ۇقساس جاڭالىقتار