بۇل تۋرالى وبلىستىق سانيتاريالىق-ەپيدەميالىق باقىلاۋ دەپارتامەنتىنىڭ باسشىسى نۇربەك نىشانوۆ مالىمدەدى. سونىمەن قاتار, بالالار ويىن-ساۋىق ورتالىقتارىنىڭ جۇمىسىنا, ساۋدا ۇيلەرىنىڭ, ساۋدا جەلىلەرىنىڭ قىزمەتىن 30%-دان اسپايتىن تولىمدىلىعىمەن جۇمىس جانە دەمالىس كۇندەرى ساعات 09.00-دەن 21.00-گە دەيىن رۇقسات بەرىلدى. «سپورتتىق شارالاردى – الەۋمەتتىك قاشىقتىقتى, ماسكالىق ءتارتىپتى, تەرمومەتريانى, كورەرمەندەردى شاحماتتىق تارتىپتە وتىرعىزۋ, كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ وتكىزۋگە بولادى. ەسكە الۋ شاراسىن 30%-عا دەيىن تولتىرۋمەن, 50 ادامنان اسىرماي سانيتارلىق-دەزينفەكتسيالىق رەجيمدى ساقتاي وتىرىپ وتكىزۋگە رۇقسات. سونداي-اق, جىلجىمالى تسيركتەردىڭ جۇمىسى, 30%-عا دەيىن تولتىرۋمەن, كورەرمەندەردى قاتاردىڭ ۇزىندىعى بويىنشا ءار 2 ورىننان كەيىن وتىرعىزۋمەن قايتا جاندانادى. بيليارد كلۋبتارىنىڭ جۇمىسىنا 30%-عا دەيىن تولتىرۋمەن رۇقسات بەرىلدى», - دەدى نۇربەك سادىقبەك ۇلى.
