ايماقتار • 04 ناۋرىز، 2021

تۇركىستان وبلىسىندا 62 جوبانى ىسكە قوسۋ كوزدەلۋدە

14 رەت كورسەتىلدى

تۇركىستان وبلىسىندا جىلدىڭ سوڭىنا قاراي 306 ملرد تەڭگەنىڭ 62 جوباسى ىسكە قوسىلادى دەپ كۇتىلۋدە. وسىلايشا 3802 ادام جۇمىسپەن قامتاماسىز ەتىلەدى. ال شەتەلدىڭ قاتىسۋىمەن 164،1 ملرد تەڭگە سوماسىنا 12 جوبانى پايدالانۋعا بەرۋ، 1071 جۇمىس ورنىن اشۋ جوسپارلانۋدا، دەپ حابارلايدى Egemen.kz.

بۇل دەرەكتەر وبلىس اكىمى ومىرزاق شوكەەۆتىڭ توراعالىعىمەن وتكەن ءوڭىر ينۆەستورلارى كەڭەسىنىڭ ونلاين وتىرىسىندا ايتىلدى. يتاليانىڭ قازاقستانداعى ەلشىسى پاسكۋالە د'اۆينو جانە «HEVEL كت»، «Artel Electronics»، «ECOINVEST» جشس، «ىنتىماق اگرو ءححى» سەكىلدى شەتەل جانە ەلىمىزدەگى الپاۋىت كومپانيالاردىڭ باسشىلارى قاتىسقان جيىندا وبلىس اكىمى وڭىردەگى ينۆەستيتسيالىق احۋالدى جاقسارتۋ مەن ينۆەستيتسيا تارتۋ باعىتىنداعى جۇمىستارعا توقتالدى. سونداي-اق باسقوسۋعا قاتىسقان ءار ينۆەستوردىڭ بيزنەس – جوبالارى تالقىلاندى. ء«بىزدىڭ ينۆەستورلار – ناعىز پاتريوتتار. بارلىق ينۆەستورلارعا ءوڭىرىمىزدىڭ دامۋىنا قوسقان ەلەۋلى ۇلەستەرى ءۇشىن العىس ايتقىم كەلەدى. ءبىزدىڭ باسىمدىقتارىمىز – بۇل، ەڭ الدىمەن، تۋريزم، ەنەرگەتيكا، قايتا وڭدەۋ، كولىك-ەكونوميكانى ارتاراپتاندىرۋمەن بايلانىستى بارلىق سالانى قامتۋ. جانە بۇل وسى باعىتتا قولعا الىنعان تىرلىكتىڭ باستاماسى عانا»،  دەدى ومىرزاق شوكەەۆ ونلاين-كونفەرەنتسيادا.

وتكەن جىلدىڭ قورىتىندىسى بويىنشا تۇركىستان وبلىسى بيزنەستى جۇرگىزۋ جەڭىلدىگى رەيتينگىندە ەلىمىزدىڭ ۇزدىك ءوڭىرى دەپ تانىلدى. سونداي-اق وبلىس ءوڭىر ينۆەستيتسيالاردىڭ (+60%) جانە قۇرىلىستىڭ (+66%) ءوسۋ قارقىنى سياقتى كورسەتكىشتەر بويىنشا كوشباسشى بولىپ تابىلادى. قۇرىلعان ساتتەن باستاپ تۇركىستان وبلىسىندا 600 ملن اقش دوللارىن قۇرايتىن 91 جوبا جۇزەگە اسىپ، شامامەن 6 مىڭداي جۇمىس ورنى اشىلدى. الداعى ءتورت جىلدا 1،5 ترلن تەڭگەدەن استام سوماعا 93 جوبانى ىسكە اسىرۋ جوسپارلانۋدا. وسىلايشا كەلەشەكتە 21 مىڭ ادام جۇمىس ورىندارىمەن قامتاماسىز ەتىلەدى.

وبلىس اكىمىنىڭ ورىنباسارى مەيىرجان مىرزاليەۆتىڭ ايتۋىنشا، ينۆەستيتسيالاردىڭ نەگىزگى ۇلەسى ءتۋريزمدى، جاڭارتىلاتىن ەنەرگيا كوزدەرىن، وڭدەۋ ونەركاسىبى مەن اوك-ءنى دامىتۋعا باعىتتالاتىن بولادى. جيىندا ينۆەستورلار وبلىس باسشىلىعىنا جوبالاردى ىسكە اسىرۋعا كورسەتىلگەن كومەگى ءۇشىن العىس ايتتى. ءوز كەزەگىندە ومىرزاق ەستاي ۇلى ينۆەستورلاردىڭ وبلىستىڭ كاسىپكەرلىك سالاسىنداعى جەتىستىكتەرىنە قوسقان زور ۇلەسىن اتاپ ءوتىپ، ودان ءارى جەمىستى ىنتىماقتاستىققا سەنىم ءبىلدىردى. سونداي-اق ءىرى سەرىكتەستەرمەن ءوزارا ءىس-قيمىلدىڭ دامۋ بارىسىن ءجىتى قاداعالايتىنىن، تۋىندايتىن ماسەلەلەردى شەشۋگە جانە جوبالاردى ىسكە اسىرۋعا بارىنشا جاردەم بەرەتىنىن ايتتى.

سوڭعى جاڭالىقتار

شەت ەلدەگى قازاق گەنەرالدارى

قازاقستان • بۇگىن، 11:54

مەرەكە كۇندەر جاڭبىرلى بولادى

اۋا رايى • بۇگىن، 10:32

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ارداگەرلەر ازايىپ بارا جاتىر...

قازاقستان • بۇگىن، 07:38

ۇقساس جاڭالىقتار