قىتاي حالىق رەسپۋبليكاسىنىڭ قۇمىل ايماعىنىڭ باركول قازاق اۆتونوميالى اۋدانىندا 40 مىڭنان استام قانداسىمىز تۇرادى. باركول قازاق اۆتونوميالى اۋدانىنىڭ مۇراجايىندا بوتامويىن مەن بوزداۋىق دەپ اتالاتىن بايىرعى مۋزىكالىق اسپاپتارىمىز قويىلعان. بۇل ەكەۋى دە قوبىز تەكتەس ىسپالى اسپاپ.
بوتامويىن مۋزىكالىق اسپا-
بىنىڭ ەرەكشەلىگى – بوتانىڭ مويىن تەرىسىمەن قاپتالادى, ءپىشىنى دە بوتانىڭ بەينەسىندە جاسالادى. بوزداۋىق مۋزىكالىق اسپابىنىڭ ەرەكشەلىگى – موڭعول ۇلتىنىڭ «بوزان» دەپ اتالاتىن ىسپالى مۋزىكالىق اسپابىنا قات-
تى ۇقسايدى, تەك قۇلاقتارىندا وزگەشەلىك بار. موڭعول ۇلتىنىڭ «بوزان» اسپابى قۇلاعىنىڭ باسى ات بەينەسىندە ويىلاتىندىقتان, قىتايداعى قازاقتار ونى «اتباس قوبىز» دەپ تە ايتادى. موڭعول حالقى قولداناتىن بوزان اسپابى بولسىن, بىزدەگى اتالعان بوزداۋىق اسپابى بولسىن, ءبارى دە «بوزداۋ, بوزداعان ءۇن» دەگەن ماعىنا بەرىپ, ىسپالى اسپاپ ەكەنىن دە, ىسپالى اسپاپتارعا ساي زارلى ءۇنى بار ەكەنىن دە بىردەن اڭعارتادى. اتاۋدىڭ توركىنى كونە تۇركىنىڭ كەڭ تارالعان «بوزداۋ» سوزىنەن شىعىپ وتىر.
ءبىز وسى بايىرعى ەكى مۋزىكالىق ىسپالى اسپاپ جونىندە باركول قازاق اۆتونوميالى اۋدانى مۇراجايىنىڭ قىزمەتكەرى مانات مىرزاعا حابارلاسىپ كورگەنىمىزدە, ول كىسى «بۇل مۋزىكالىق اسپاپتارىمىزدىڭ ءالى دە مۇراجايدا جاقسى كۇتىممەن ساقتاۋلى ەكەنىن, ۇلتىمىزدىڭ ماقتانىشى بولعانىن, تالاي ۇلتىن سۇيگەن كورەرمەننىڭ كوز قىزىعىنا اينالعانىن» جەتكىزدى جانە ءبىز اتاپ كورسەتكەن ەرەكشەلىكتەرىن اعىنان جارىلىپ اڭگىمەلەپ بەردى. مانات مىرزانىڭ ءجون سىلتەۋىمەن, وسى ەسكىلىكتى اسپاپتاردى جاڭارتىپ جاساپ, مۇراجايعا ءوز سانىمەن ەنگىزگەن نۇرادىل مىرزاعا حابارلاسۋىمىزدى ءوتىندى. ءبىز نۇرادىل مىرزاعا حابارلاسۋ ارقىلى, اسپاپتاردىڭ ەسكىلىكتى نۇسقاسىنىڭ تىم توزىپ كەتكەنىن ونى ساقتاۋعا مۇمكىن بولماي قالعانىن, سوندىقتان نۇرادىل مىرزانىڭ ءوزى بۇل ەكى اسپاپتى كونە نۇسقاسىنا قاراپ وتىرىپ, وڭدەپ, جاڭارتىپ جاساپ شىققانىن بىلدىك. ازىرگە بۇل ەكى اسپاپتى قولداناتىندار جوق, كونەكوز قولدانۋشىلار ومىردەن وزعان. الايدا, مانات, نۇرادىل مىرزالاردىڭ ايتۋىنشا, بوزداۋىق اسپابىنىڭ ءوز دىبىسىن قالپىنا كەلتىرىپ قولدانۋعا بولادى ەكەن. دەسەدە, بوتامويىن اسپابىنىڭ ءپىشىنى قاز-قالپىندا جاسالعانىمەن, ءوز اۋەنىن ساقتاي وتىرىپ جاساۋدا قيىندىقتار بولعاندىقتان, ول اسپاپتى ەسكى نۇسقاسىنداي ەتىپ قولدانۋ قيىنعا تۇسەدى ەكەن. نە بولسا دا, كونەنىڭ كوزى بولعان ەكى اسپابىمىزدىڭ ءۇنىن بولماسا دا, سىرتىن ساقتاپ, وسى كۇنگە جەتكىزىپ وتىرعان قيىرداعى قىرىق مىڭ قازاق جايلاعان باركول قازاق اۆتونوميالى اۋدانىنداعى قانداستارىمىزعا العىسىمىز شەكسىز.
الماتى
