ءىس-شارا ەسەپ كوميتەتى مۇشەلەرىنىڭ, اپپاراتىنىڭ جانە ۆەدومستۆولىق باعىنىستى ۇيىمىنىڭ, نۇر-سۇلتان, الماتى, شىمكەنت قالالارى جانە وبلىستار بويىنشا تەكسەرۋ كوميسسيالارى توراعالارىنىڭ, سىبايلاس جەمقورلىققا قارسى قىزمەتتىڭ اۋماقتىق ورگاندارى باسشىلارىنىڭ, سونداي-اق جۇرتشىلىق وكىلدەرىنىڭ قاتىسۋىمەن ءوتتى.
جوبالىق كەڭسە – ەكى ۆەدومستۆونىڭ مەملەكەت باسشىسىنىڭ ەسەپ كوميتەتى مەن تەكسەرۋ كوميسسيالارىنىڭ فۋنكتسيونالىن كۇشەيتۋ جونىندەگى تاپسىرماسىن ىسكە اسىرۋ شەڭبەرىندە سىبايلاس جەمقورلىقتىڭ الدىن الۋ جانە پاراساتتىلىق قاعيداتتارىن ىلگەرىلەتۋ بويىنشا جەدەل جۇمىس قاجەتتىگى تۋرالى ءوزارا تۇسىنىستىگىنىڭ ناتيجەسى.
ءىس-شارانى اشا وتىرىپ, ن.گودۋنوۆا سىبايلاس جەمقورلىق كورىنىستەرىنىڭ ۋاقتىلى الدىن الۋدىڭ ماڭىزدىلىعىن اتاپ ءوتتى. ەسەپ كوميتەتىنىڭ وتكەن جىلعى قىزمەتىنىڭ قىسقاشا قورىتىندىلارى, سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالار ايتىلدى. سونداي-اق سىبايلاس جەمقورلىققا قارسى ءىس-قيمىلدا ەكى ۆەدومستۆونىڭ كۇش-جىگەرىن بىرىكتىرۋ, بارلىق مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ, بيۋدجەت قاراجاتى مەن ۇلتتىق قور اكتيۆتەرىن بىرلەسىپ قاداعالاۋ بويىنشا شارالار قابىلداۋ ۇسىنىلدى.
اگەنتتىك توراعاسى سىبايلاس جەمقورلىق تاۋەكەلدەرىن جويۋدان باستاپ پاراساتتىلىق قاعيداتتارىن ورىندامايتىن قىزمەتكەرلەردەن تازارتۋعا دەيىنگى سىبايلاس جەمقورلىققا قارسى ينفراقۇرىلىمدى قۇرۋداعى ەسەپ كوميتەتى مۇشەلەرىنىڭ رولىنە نازار اۋداردى.
«مەملەكەتتىك اۋديت ورگاندارىنا قوسىمشا فۋنكتسيالار بەرە وتىرىپ, ەسەپ كوميتەتى مەن تەكسەرۋ كوميسسيالارى قىزمەتكەرلەرىنىڭ, ەڭ الدىمەن, ولاردىڭ باسشىلارىنىڭ پاراساتتىلىعى مەن ادالدىعىن ارتتىرۋ تۋرالى ۇمىتپاۋ ماڭىزدى», دەدى سىبايلاس جەمقورلىققا قارسى ۆەدومستۆو باسشىسى.
قاتىسۋشىلاردىڭ پىكىرىنشە, بۇعان قوعامدىق كومەكشىلەر – ساراپشىلار, كەڭەسشىلەر جانە قامقور ازاماتتار كومەكتەسە الادى. وسىعان بايلانىستى, جوبالىق كەڭسە شەڭبەرىندە جۇرتشىلىق پەن باق وكىلدەرى قاتارىنان ساراپتامالىق كەڭەس قۇرىلاتىن بولادى.
«ەسەپ كوميتەتى – ادالدىق الاڭى» جوبالىق كەڭسەسى جوعارى مەملەكەتتىك اۋديت جانە قارجىلىق باقىلاۋ ورگانىنىڭ اشىقتىعىن جانە قولجەتىمدىلىگىن قامتاماسىز ەتۋگە جاڭا سەرپىن بەرەدى. وسىلايشا, ەسەپ كوميتەتى تۇراقتى ديالوگ ارقىلى جۇرتشىلىقتى ءوز قىزمەتىنە تارتۋعا دايىن.
